حالة من الجدل الواسع شهدتها مواقع التواصل الاجتماعي، بعد تداول واقعة اعتداء سائق على سائحة عربية في منطقة الزمالك بالقاهرة.
وأحال المحامي العام لنيابة وسط القاهرة الكلية سائق إلى الجنايات لاتهامه باختطاف طبيبة من دولة عربية والاعتداء عليها جسديا.
«سكرانة وفوقتها بطريقتي».. اعترافات صادمة لـ سائق في واقعة التعدي على سائحة
واستمعت النيابة إلى اعترافات المتهم، والتي نفى فيها كل التهم الموجهة إليه منكرًا قيامه بالاعتداء عليها.
وقال المتهم: ” اللى حصل أن أنا جالي ریکویست عند فندق الفيرمونت الى موجود في منطقة نايل سيتي، وركبت معايا واحدة حسيت أن هي سكرانة شوية ومش متزنة”.
وتابع: “أول لما ركبت العربية قعدت أتكلمت معاها سألتها أنتي منين شكلك مش مصرية ردت وقالتلى أن هي باباها من دولة عربية ومامتها مصرية وسألتها تحبى تمشى من طريق معين ولا أمشى على اللوكيشن قالتلى لا أمشى من اللي إنتا عايزه أنا تعبانة ومش شايفة قدامي”.
وأكمل: “كانت تعبانة كده وريحت لحد لما نامت خالص ودماغها بقت ورايا بظبط بس فضلت نايمة لحد لما وصلنا قبل الفندق اللى أنا المفروض أوصلها فيه بحاجة بسيطة كده وقولت أني أقف أفوقها “.
وأضاف: “لما وقفت قبل الفندق جبت مناديل كده وبليتها شوية وأنا قاعد على الكرسى بتاعى قدام قعدت أطبطب كده بالمناديل على وشها عشان تفوق وفعلا بدأت أنها تفوق شوية”.
وأكمل: “قولتلها أنا عايز فلوس قالتلي ماشي أنا هدخل أجيبلك فلوس من جوا قلتلها تمام بس هاتي رقم تليفونك عشان لما أحب أوصلك عشان توصلیلی فلوس قالتلى ماشى دخلت ومطلعتش فكلمتها قالتلى أنا معييش فلوس والله”.
واختتم: “بعد كدة مشيت فجر يوم الأربع لقيت باب البيت بيخبط جامد فتحت لقيت ضابط ومعاه أربع أمناء شرطة قالولى تعالى معانا وأخدوني على قسم قصر النيل وبعدها عرفت البلاغ المتقدم ضدي وأنا معملتش كدة أنا راجل متجوز وعندي بنت ومش هعمل كده القصة.”
