أهم الأخبارخدمات

أسعار شقق الإسكان الاجتماعي الجديدة في الإعلان الـ16

ناس كتير مستنين الإعلان الجديد اللي هتنزله وزارة الإسكان وتعلن فيه عن الشقق الجديد وأسعارها المختلفة واللي هيكون مختلف عن أي إعلان قبل كده لأن أسعار الشقق المرة دي هتغلى، بس إيه هي الأسعار الجديدة وإيه المناطق اللي هيبقى فيها شقق.. كل ده هتعرفه معنا في الفيديو ده.

في الوقت اللي الأسعار فيه غليت في كل حاجة كمان الكلام عن أن شقق الإسكان الاجتماعي الجديدة هتغلى كمان.. وده اللي أكده مصدر في وزارة الإسكان الاجتماعي أن بالفعل الإعلان الـأ16 الجديد بتاع الإسكان الاجتماعي الشقق فيه هتغلى.

المصدر أكد أن زيادة أسعار الوحدات في مشروع الإسكان الاجتماعي لمحدودي الدخل السبب في نتيجة زيادة مواد البناء وارتفاع أسعار الخاماا اللي بتستخدم في الإنشارات والتطبيات بشكل كبير في الفترة الأخيرة بالذات بعد الأزمة العالمية اللي حصلت بسبب الحرب بين روسيا وأوكرانيا واللي أثرت على زيادة أغلب المنتجات حول العالم.

كمان المصدر أكد أن الزيادة المرة دي هتكون بنسبة 10% عن الأسعار اللي كانت وازرة الإسكان بتنزل بيها الشقق في الوحدات اللي كانت بتنزل لمحدودي ادلخل واللي تكون في المساحات الصغيرة.

طب الأسعار الجديدة هتكون إيه؟

وزارة الإسكان هتضطر بالفعل لزيادة الأسعار لكنها هتكون زيادة بسيطة وهي اللي هتكون:

في الوحدات السكنية اللي مساحتها 60 متر هيكون سعرها 341 ألف جنيه بدل من 310 آلاف جنيه اللي كان السعر في أخر طرح للوزارة.

أما الوحدات الصغيرة الي مساحتها 75 متر هيكون سعرها حوالي 270 ألف جنيه بدل من 245 ألف جنيه في الأسعار اللي قبل كده.

المصدر أكد أن القرار بتاع الأسعار الجديدة هيكون على الوحدات السكنية اللي هيتم طرح تنفيذها على شركات المقاولات في الفترة الجاية، لكن الوحدات السكنية اللي اتنفذت بالفعل وانتهى توضيبها بشكل كامل مش هيكون فيها أي زيادة في الفترة المقبلة، وده اللي هتكشف عنه شروط الإعلان الـ16 اللي هينزل الفترة الجاية.

الوحدات دي أسعارها هتكون زي ماهي يعني في محافظات الصعيد هيتم تثبيت سعرها على 194 ألف جنيه.. أما الوحدات اللي في الوجه البحري هيكون سعرها 204 آلاف جنيه.

كمان الإعلان الـ16 بتاع شقق الإسكان الاجتماعي لمحدودي الدخل هتكون في محافظات كتير وهي الشقق اللي هتنزل بالأسعار القديمة مش بالأسعار الجديدة، وهتكون في محافظات:

الإسماعيلية، والمنيا، والشرقية، وسوهاج، وقنا، والإسكندرية، والمنوفية، وكفر الشيخ، وأسوان، والغربية، والبحيرة، ومطروح، والفيوم، وبني سويف، وأسيوط، والوادي الجديد، والأقصر، وشمال سيناء.

إنما بالنسبة للشروط فهتكون زي ما هي بدون تغيير.. يلا استغل الفرصة وقدم في الإعلان الجاي قبل ما الشقق سعرها يغلى بعد كده.

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى