فن و مشاهير

أصالة تصالح الجمهور المصري بمفاجأة غير متوقعة ومفاجأة عمال فعله رامي صبري

أصالة لديها خبرة كبيرة، ولا يمكن أن تتخطى مشكلة غضب الجمهور المصري منها دون ان تسعى للصلح معه، فهي شعرت بخطأها وبدأت تصالح الجمهور وتغازله بالعديد من الطرق، وفيما يلي سنوضح التفاصيل الكاملة لما حدث وما فعله رامي صبري.

مصر احتضنت أصالة وغيرها

معروف عن مصر إنها بلد الفن والإبداع وعلى مدار سنين فتحت حضنها لأصالة ولغيرها عشان يكشفوا موهبتهم والجمهور يتعرف عليهم، وأصالة بالذات اسمها متعرفش غير لما جت مصر واستقبلها محمد الموجي وسيد مكاوي ومحمد سلطان والملحن حلمي بكر وخدوا بإيدها لسلم الشهرة والفن واللي لولاهم مش هيكون ليها شهرة كبيرة كده، وهي عارفة ده كويس.

بس هي تقريباً وقعت في ذلة لسان وجبت تجامل السعودية على حساب مصر من فترة كده في حفل ليها وقالت إن تاريخها كله يرجع الفضل فيه للمملكة وده طبعاً اللي خلى المصريين زعلوا منها، وطالبوا إن حفلتها في عين الصيرة تتلغي، ورغم إخ محصلش بس أثر عليها جامد وعمل هزة كده في نجوميتها بس واضح إنها حست بغلطها واستغلت الحفل ده عشان تصالح جمهورها في مصر.

محدش يقدر ينكر فضل مصر

وقدرت أصالة تقدم رسالة تمتص بيها غضب الجمهور ووصفت مصر بإنها الوطن والاستقرار ليها ولولادها، وهوب قدمت عربون محبة كده عشان تبين إنها عاوزة تصالحهم وطبعاً مفيش أحسن من فعل الخير واتبرعت بأجرها لمستشفى أهل مصر وكمان 57357 وجزء كمان للاجئين السوريين اللي عايشين في مصر.

ومنسيتش ابنها خالد اللي كان بينظم الحفلة دي وسابت مبلغ بردوا عشان يكمل بيه مشواره في تنظيم الحفلات، وقالت أصالة كلمتين يدوبوا الجليد ويرجعوا المئة لمجاريها تاني إن مفيش حد مش بيحب الهوا والحياة والمية مفيش حد يقدر ينكر فضل مصر عليه.

رسايل عاطفية

وتقريباً أصالة دارسة علم نفس كويس وعارفة إن الكلمات الحلوة اللي بتمس العاطفة مفيش أحسن منها تكون جواز سفر عشان تعدي للقلوب، وقالت أصالة في الحفل إنها من الشام في سوريا ومفيش زيارة عملتها لبلدها من سنين طويلة يمكن آخر مرة زرت الشام من أكثر من نص عمرها وقضت سنين طويلة من عمرها وأكثر من نصه بكتير بين جمهورها في مصر.

“الوطن إيه غير المستقر، يكون لينا فيه بيت وولادنا يتربوا فيه”، ده غير ولادها مبيتكلموش غير مصري ومحدش بيتكلم غير هي وماماتها (عزيزة)، ده حتى ولادها بيشجعوا الفريق المصري عشان اتولدوا في مصر وهما مصريين، وطبعاً بعد كل ده الكل ممكن يقول سماح المرة دي بس اللي عمله المطرب رامي صبري كان ممكن يبوظلها كل حاجة.

إيه اللي عمله رامي صبري؟

وزي ما وعدت أصالة الجمهور إن الحفل هيتعرض فيه فيلم وثائقي عن حياتها وشغلها وحاجات ميعرفهاش الجمهور عنها، وفت بوعدها وكمان رامي صبري وفى بوعده وحضر الحفلة اللي اتعملت في بحيرة عين الصيرة اللي جنب للمتحف القومي للحضارة المصرية في القاهرة.

وطبعاً هو كان عليه هجوم كبير عشان دعم أصالة والدعم ده عادي بس اللي مكانش عادي إنه قالها إنتي مصر وهي كانت أنكرت فضل مصر، لكن لما اتعرض الفيلم وشاف تاريخ أصالة طلع على المسرح وقال لأصالة زعلانين أوي إني قولت أصالة مصر؟

وطبعاً أصالة راحت بصاله كده مستغربة خافت ليبوظ عليها الكام كلمة اللي قالتهم، وبعدها بدأوا يغنوا سوا وباس راسها تقريباً بيراضيها وكمان هما أصدقاء جدا وقالها منورانا دايمًا ومنورة مصر، وغنوا مع بعض أغنية رامي صبري حياتي مش تمام، والجمهور شجعهم.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى