تحدثت الفنانة صابرين عن فترة ارتداء الحجاب ومن ثم خلعه، موضحة أنها تواجه العديد من الانتقادات حتى الآن، بعد مرور سنوات على قرار خلعها للحجاب.
صابرين: لبست الحجاب بعد درس ديني.. ولما خلعته إيماني زاد ولغاية دلوقتي بيقولوا إلى جهنم وبئس المصير
وقالت صابرين، في تصريحات تليفزيونية: اتهزيت أوي وبدأت أسمع درس دين وبدأت أنسحب، رحت رفعت طرحة الصلاة وقلت أشهد أن لا إله إلا الله، وخدت القرار ده زي قرار قلع الحجاب، كنت صابغة شعري وأنا اللي نزلت الصور، ولغاية دلوقتي بيتقال مش دي اللي كانت لابسة الحجاب؟ إلى جهنم وبئس المصير.
أما عن فترة ارتدائها الباروكة بدلًا من الحجاب، فعلقت صابرين: كنت تايهة مني وكنت طول الوقت منكمشة وخايفة، وحاسة أني وأنا ماشية الناس هيقولوا يا أم باروكة، ولكن أنا قوية بإيماني بربي، ولما فكيت الحجاب بقيت بخاف أكتر وازدادت طاعتي أكتر وحافظت على صلاتي أكتر وازداد قوة إيماني.
آخر أعمال صابرين
ومن ناحية أخرى، يعتبر فيلم سفاح التجمع هو آخر أعمال الفنانة صابرين، والعمل من بطولة أحمد الفيشاوي، وسينتيا خليفة، وانتصار، ورنا رئيس، ومريم الجندي، وآية سليم، والعمل من تأليف وإخراج محمد صلاح العزب في أولى تجاربه الإخراجية، وإنتاج أحمد السبكي.
