أخبار الحوادث

أنهوا حياته وهو خارج من المسجد بعد الفجر..قصة كرم الشهاوي التي أشعلت السوشيال ميديا

حق كرم الشهاوى لازم يرجع..انتشر هذا الهاشتاج وأصبح مكتسح السوشيال ميديا الساعات الماضية، فإن كنت لا تعلم من هو كرم الشهاوي وماذا حدث له، هذا ما سنتعرف عليه من خلال التقرير التالي:

فى الساعات اللى فاتت إنتشر هاشتاح وحقق نسبة تفاعل كبيرة مشوفنهاش من زمان مع واقعة حصلت،وممكن يكون ده لأسباب كتير ممكن لإنه مكانش ليه علاقة وهو اللى راح فى الأخر،يمكن علشان لقى خناقة قدامه وهو راجع من صلاة الفجر فحاول يفضها فكان رحيله تمن رجولته؟

والهاشتاج ده مش هيتنشر بالطريقة الكبيرة دى إلا فعلا لو كانت الواقعة مؤسفة وفيها غدر للراحل.
مكان الواقعة كان فى كفر الشيخ وتحديدا فى منطقة مساكن الأسرة،الزمان كان راجع من صلاة الفجر،فمفيش حسن خاتمة أحسن من كده،كرم الشهاوى بن كفر الشيخ صلى الفجر وقابل وجه كريم .

الحكاية بدأت لما تلقى اللواء خالد عبدالسلام، مدير أمن كفر الشيخ، إخطار من اللواء خالد محمدي، مدير المباحث الجنائية بمديرية الأمن يفيد تلقي قسم أول شرطة كفر الشيخ إشارة من شرطة النجدة بوجود خناقة قريب من محكمة الأسرة،وإن فى حد رحل .

على طول إتنقل المقدم سعد اللبيشي، رئيس مباحث قسم أول شرطة كفر الشيخ لمكان الواقعة ،وإتضح فعلا إن كان فى خناقة حدوث بين مجموعة من الطلاب،وكان نتيجة الخناقة دى لما تعدى شاب منهم إسمه عمار حاصل على بكالوريوس تجارة وعنده 22 سنة على كرم اللى طالب فى كلية التجارة وعنده 20 سنة.

صاحب المجنى عليه كرم قال أن كل زملاء وأصدقاء الطالب الراحل أطلقوا هاشتاج “حق كرم لازم يرجع” للمطالبة بالقصاص من المتسبب في رحيله،وإن فى حالة حزن شديدة بتسيطر عليهم كلهم، بسبب الواقعة اللى راح بسببها كرم بعد الاعتداء عليه بالضرب على رأسه بآلة حادة ،وفى لحظتها كرم تلفظ إنفاسه الأخيرة ولحد ما وصلت الإسعاف كان كرم راح .

صديقه المجني قال إن كل اللى عمله، لما كان راجع من صلاة الفجر وشاف خناقة بين شباب وطلاب من جامعة كفر الشيخ حاول يقرب وجهات النظر ويصلح بينهم خلاف بين زملاء له في جامعة كفر الشيخ،ولكن فوجئ بأحد الأشخاص زى ما يكون بيقوله ملكش دعوة بس مش بالكلام لا قاله بالفعل.

الحمد لله تم القبض على المتهم اللى أرتكب الواقعة دى لقسم أول شرطة كفر الشيخ، وبمواجهته قال إن فعلا ده حصل بس هو مكانش يقصد ولا فى نيته إنه يتعدى على كرم أو ينهى حياته بالطريقة دى.

ومن بعد الواقعة المؤسفة دى والهاشتاج فعال بطريقة كبيرة على تويتر ولمدة يومين ،وكل جمهور السوشيال ميديا بيواسى أهل الفقيد وكل الناس بتدعيله مع تفعيل هاشتاج حق كرم لازم يرجع،وممكن يكون الهاشتاج ده اداة لسرعة المحاكمة وإن يكون مصير المتهم وعقوبته صارمة،زى إنها تكون عشماوى مثلا..

ربنا يرحم الفقيد ويصبر أهله،ويكون مصير المتهم ومحاكمته فى أسرع وقت..بس خلينا نبص على الموضوع من جانب تانى،معنى كده إننا لما نلاقى تصرف غير أدمى بيحصل قدامنا فعلشان مندخلش نفسنا فى حوارات وتكون نهايتنا زى نهاية كرم إننا نتجاهل الموقف ونبعد عن الشر ونغنيله،هل ده الحل؟ شاركونا برأيكوا فى التعليقات.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى