مازالت أخبار شيرين عبد الوهاب وتفاصيل خروجها من المستشفى سر ولغز لا يعرفه أحد ولكننا اليوم سنفاجئكم بكشف العديد من الأسرارا والمفاجآت عن تورط نجم شهير في الأزمة فتابعونا.
المخرج ياسر قنطوش قال لوسائل الإعلام إن شيرين بقت كويسة، وعاوزه تخرج من المستشفى.. وإن وجودها هناك أصبح غير قانوني، وده عمل حالة قلق للناس في الوسط بسبب خوفهم على حياتها وصحتها.
المفاجأة إن شيرين تاني يوم خرجت من المستشفى، المفروض تقابل محاميها وتتحرك معاه.. بس هي خرجت من الباب اللي ورا وكان في انتظارها نجم كلنا عارفينه والمرة دي اسمه هيظهر لأول مرة
عمرو سعد وشقيقه أحمد سعد هما كلمة السر في اختفاء شيرين وحسام حبيب دلوقتي عن الساحة، الممثل الشهير استنى شيرين وخدها في عربيته وانطلق بيها لمكان في التجمع غالبا عند أسرته في البيت
وأحمد سعد كان دوره إنه يبعد أخو شيرين عنها عشان الدنيا تهدى،خصوصا إنها اتحدت قراره وخرجت من المستشفى غصب عنه وهو اللي وداها هناك بإيده
شيرين دلوقتي مختفية وغالبا قاعدة في شقتها في التجمع، بتقابل ناس من صحابها بشكل سري، بس الغريب إنها لا شافت بناتها ولا مامتها وأختها.. واخدة جنب منهم خالص
شيرين غضبانة من اللي حصل معاها.. الكل اتآمروا عليه، حتى لو قرارها إنها ترجع لحسام حبيب مش في مصلحتها.. بس مفيش حد يتاخد بالعافية ويدخلوه مصحة لعلاج الإدمان .. وتتحبس مش عارفة تكلم حد ولا توصل لحد.. ويكون مبسوط
طبعا حسام مخرجش من الصورة.. ده أصلا مبعدش عن شيرين لحظة.. وطول الوقت كان بيحاول يخرجها من المستشفى، هي أه مخرجتش معاه بس شكلها كده لسه قلبها بيحن وهيلعب دور كبير في حياتها الفترة الجاية
الغريب في الموضوع إنه ولأول مرة شيرين سايبة بناتها لأبوهم، أزمات كتير قابلت شيرين وكنا كل مرة بنسأل، هو الملحن محمد مصطفى زوجها السابق فين.. هياخد البنات؟ هيتورط في المشاكل؟
لكنه كان ذكي واختفى عن الصورة تماما.. لغاية ما بنته نشرت فيديو ليها معاه على التيك توك وهي فرحانة وبتغني.. وكإنها بتقول لمامتها هتبعدي عننا، عندنا أب ياخد باله مننا
لسه مش عارفين شيرين ناوية على ايه الفترة الجاية.. هترجع رسمي لحسام؟.. هترجع تعيش مع بناتها في فيلا الشيخ زايد؟.. هتنتقم من أخوها اللي حبسها في المستشفى غصب عنها|؟
محدش عارف.. بس الأكيد إنها سمعت صوت العقل وبعد ما كان محاميها بيقول إنها هتظهر في فيديو تكشف فيه كل حاجة.. رجعت في كلامها وقعدت على وضع الصامت.
