منوعات

معجزة شجرة أم الفواكه بها تكسب آلاف الجنيهات كل عام

نفسك تزود مرتبك في ظل ارتفاع الاسعار التي يعاني منه معظمنا خلال هذه الأيام؟ لا تقلق فإن الحل موجود وسهل جدا، حيث أنه يمكنك أن تزرع شجرة واحدة على سطح بيتك وهتكسبك فلوس كتيرة جدا، فكيف؟

ناس كتير بتدور دلوقتي إزاي تزود دخلها خاصة مع ارتفاع الأسعار اللي مسابش حاجة في حالها، وفي مجموعة من المصريين مثلا لجأوا إنهم يشتروا شهادات ادخار تضمنلهم إن فلوسهم تزيد وناس تانيه راحت تشتري دهب، لكن احنا النهاردة هنقولك على حل بعيدا عن الشهادات والدهب وتقدر تعمله في بيتك.

والفترة الأخيرة انتشرت كتير من أنواع الفاكهة اللي دخلت بشكل جديد على السوق المصري، و ممكن المواطنين يزرعوها في بيوتهم ضمن مبادرة «اتحضر للأخضر».

ومن بين الأنواع الجديدة دي عندكم مثلا فاكهة «الباشن فروت»، واللي أصحاب المشاتل سموها «أم الفواكه»، وده لأن إنتاجها في أنواع كثيرة من الفواكه اللي احنا نعرفها.

طب وزراعة الفاكهة دي بتكسب؟أيوة جدا، وده لأن الشجرة الواحدة بتنتج محصول بيتباع بـ حوالي 21 ألف جنيه في سنويًا.

مش بس كدة ده كمان الإنتاج المصري منها بدأ ينافس المستورد ، والمفاجأة بقى إن الشجرة دي بتطلع إنتاج حوالي من 50 لـ 100 كيلو في السنة الواحدة.

وفي تصريحات لـ الدكتور بهاء الجمال، عضو هيئة التدريس بكلية الزراعة جامعة القاهرة، ومدير مشتل الفاكهة بالكلية قال إن فاكهة الباشن فروت أو أم الفواكه انتشرت في الفترة الأخيرة، وناس كتير بدأوا يزرعوها على أسطح منازلهم.

طب ياترى الفاكهة دي بتتباع بكام؟ وبحسب تصريحات «الجمال» قال إن سعر كيلو فاكهة الباشن فروت 300 جنيه وبتتباع في الهايبرات، وطبعا وبحسبه بسيطة فـ متوسط إنتاج الشجرة الواحدة كل سنة هيكون 21 ألف جنيه سنويا.وارتفاع سعر الفاكهة دي بيرجع لأنها فاكهة نادرة وبتتميز بالعديد من الفوائد الصحة، ده غير إن طعمها لذيذ جدًا.

قال كمان إن فاكهة الباشن فروت متميزة باللونين «الأرجواني والأصفر»، وأن أشجارها بتكون متسلقة وممكت تتزرع على السطح وفي البلكونه و فـ الحدائق الصغيرة وقدام المنازل، وده غير كمان إن الشجرة دي معمرة وبتقدر تعيش لحد 25 سنة، وبتطرح أكتر من 40 نوع فاكهة زي المانجا والخوخ والجوافة والبرتقال.

ولو هنتكلم عن فوايدها بقا مش هتتخيلوا مفيدة إزاي فيها مضادات أكسدة ، ومليانة بـ الألياف الغذائية، اللي بتساعد في تنظيم الجهاز الهضمي وبتحافظ على صحة الأمعاء، وتمنع اضطرابات المعدة.

غير كمان إنها بتقوى جهاز المناعة وبتساعد على خفض مؤشر السكر، وده بيخليها خيار جيد لمرضى السكري، ده غير فوايد كتير عايزة حلقة لوحدها عشان نتكلم عليها.ها لسه بتفكر ولا خلاص نويت تزرع شجرة الباشن فروت قولنا لو خدت القرار؟

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى