حالة من الجدل الواسع أثارتها الناقدة الفنية ماجدة خير الله، الساعات الماضية، بعد تصريحات صادمة لها هاجمت فيها الشيخ الشعراوي بعد ترشيح اسمه كأولي الشخصيات لمسرح السيرة.
وقالت ماجدة خير الله: “ربنا نزلنا دين وإحنا ماشيين عليه، ليه نقدس الناس دي، مع أنه في علماء ومفكرين وأدباء وأصحاب فكر ورجال وطنيين قدموا أرواحهم فداء للوطن، مصر مليانة علي مدار تاريخها”.
«راجل فتنة».. ماجدة خير الله تهاجم الشعراوي بكلمات صادمة
وتابعت: “الشعراوي مقدمش حاجة للمجتمع، وليس رجلا تنويريا ولم يفد المجتمع، مردفة الشعراوي كات رافضا للعلم وقال إذا تعبت متتعالحش لأن ربنا هيختارك فأنت بتأجل لقاء به، ولما مرض جري علي ألمانيا، يعني آراؤه متناقضة مع أفعاله”.
وأضافت: “الشعراوي عمل فتنة بين المسلم والمسيحي وقال ماتسلمش علي المسيحي علي الرغم أن الأن الأسلام سمح بين المسلم والمسيحية، وقال كلام عليه خلافات مش وقته إننا نرجع الكلام ده تاني”.
واختتمت: “اللي عمل الشعراوي وغيره من بعض رجال الدين تجارة بالدين، مش ناس ضحوا لكنهم اخدوا مكانة أكتر من الأنبياء، ليه يقدسوا هذا الشخص وغيره كأنهم أنبياء وماتقدرش تتكلم كلمة عنه مهما كانت حقيقة أو موضوعية.
