ما رأيكم في عملة واحدة تجمع دول الخليج ومصر والأردن؟ هذا ليس حديث ناس عادية هذا كلام واحد من أشهر المليارديرات في الإمارات..فياتري من هو خلف الحبتور؟ وهل ل استثمارات داخل مصر؟
هل دول أوروبا أفضل مننا ؟ كما يتعاملون ولديهم عملة اليورو، ليه احنا كمان كعرب ميبقاش عندنا عملة موحدة، والمنطقة كلها تبقى على كلمة واحدة.
من زمان وناس بتفكر في إجابة للسؤال ده، ودلوقتي رجل أعمال إماراتي كبير طالع يقول انه مع الفكرة دي.
وهو ده اللي أكده خلف الحبتور، رئيس مجلس إدارة مجموعة الحبتور الإماراتية،، في لقاء مع CNBC عربية، وقال انه واقف في صف إصدار عملة خليجية موحدة بالتعاون مع الأردن ومصر.
من هو خلف الحبتور؟
الملياردير الإماراتي من أشهر رجال الأعمال في بلده والعالم العربي كمان، وفي كلام انه ثروته وصلت إلى 6.5 مليار دولار بحسب القاهرة 24.
وبدأ الحبتور مسيرته المهنيّة موظف في شركة إنشاءات إماراتية محليّة، عشان يأسس بعد كده في 1970 شركته الخاصّة واللي سماها شركة الحبتور للمشاريع الهندسية.
وبعدها الشركة اتحولت لمجموعة ضخمة شغالة في للعقارات والضيافة والسيارات والعقارات والتعليم والنشر بحسب موقع المجموعة نفسها.
ومس بس شركة الحبتور للسيارات وكيلةً لسيارات بنتلي الفخمة في الثمانينات. وتحتل الشركة على الدوام المرتبة الأولى في مبيعات سيارات بنتلي في العالم.
كمان اعماله مااكتفتش بالتواجد في الإمارات أو حتى منطقة بالخليج، بالعكس ليه مشاريع في مدن مختلفة زي لندن وفيينا وبودابست وبيروت، وسبرينغفيلد في ولاية إيلينوي الأمريكية.
يعني مثلا عندك فنادق الحبتور مشرفة على 7 فنادق جوة الإمارات زي حبتور بالاس، لاكجيري هوتيلز أند ريزورتس؛ وفي هوتيل، كوريو كولكشن من هيلتون؛ وهيلتون دبي الحبتور سيتي، ووالدورف أستوريا بالم جميرا؛ ومنتجع حبتور جراند؛ وفندق متروبوليتان دبي؛ ومنتجع الحبتور بولو في دبي لاند.
وكمان مشرفة على 7 فنادق دولية هي: ريتز-كارلتون بودابست، وإنتركونتيننتال بودابست، وهيلتون لندن ويمبلي، وفندق إمبريال فيينا، وفندق الرئيس أبراهام لينكولن سبرينغفيلد – دابل تري من هيلتون، وهيلتون بيروت حبتور جراند، وهيلتون بيروت متروبوليتان بالاس.
وعلى فكرة الحبتور قال إنهم شغالين على أضخم مشروع عقاري في العالم بتكلفة مليار دولار، وأضاف وإن استثمارات مجموعة الحبتور في لبنان تبلغ 500 مليون دولار، ووتتمنى المجموعة عودتها.
طيب واستثمارات ها في مصر أخبارها ايه؟
الحبتور في اول 2023 كتب تغريدة على تويتر، قال فيها احنا بقالنا فترة في مصر، عشان تجهيز دراسات لبعض المواقع في القاهرة استعداداً للإعلان عن مشاريع قريباً بإذن الله، وحبي لمصر متأصل في ضلوعي، وآمل أن أنمي وجودنا فيها أكثر وتأمين عدد أكبر من فرص العمل للشباب المصري
وخد بالك دي مكنتش مش اول مرة بتكلم الحبتور عن مجمع في مصر، يعني في 2016 اتكلم عن انشاء مشروع الحبتور سيتي في مصر زي الامارات كده عشان يضم فنادق وابراج سكنية وتجارية وملاعب، وده باستثمارات 8.5 مليار دولار، حسب قناة العربية
فهل شايفين إن العملة الموحدة مجرد حلم؟ ولا ممكن ننفذها فعلا؟
