الخبر هذا سيكون سبب في حزن مصريين كثيرين خصوصًا المقاولين والناس التي بتفكر تبني وهذا لأن أسعار الحديد ولعت نار وولا احد يعرف يسيطر عليها واليوم سعر الطن زاد 2500 جنيه مرة واحدة!
طيب ياترى ايه سبب الزيادة المفاجأة دي وهل ده معناه إننا ممكن نشوف أسعار مختلفة خالص الفترة الجاية، خليكوا معانا في التقرير ده واحنا نقولكم إيه اللي هيحصل:
من أول ما بدأت 2023 واحنا شايفين أسعار الحديد مجنونة وكل يومين نسمع عن زيادة جديدة ومحدش عارف الشركات عاوزة إيه.
ولو بتسأل عن الأسعار النهاردة فـ هتتصدم بجد وده لأن سعر طن الحديد وصل للمستتهلك زاد بحوالي 2502 وعشان كده سجل 39884 ألف جنيه للطن الواحد، بعد ما كان سجل 37382 جنيه من يوم واحد بس.
أما سعر طن الحديد الاستثماري فزاد برده ووصل سعره 3042.16 جنيه، وسجل 38738.46 مقابل 35696.3 جنيه من يوم واحد
وعشان تكمل صبة الخرسانة يبقى لازم تعرف سعر الأسمنت واللي سجل انخفاض سعر طن الأسمنت الرمادي بقيمة 7.28 جنيه، وسجل 2044.79 مقابل 2052.07 جنيه.
ودي مش أول مرة تزيد أسعار الحديد وده لأن سعر حديد التسليح زاد في شهر مارس اللي فات بس من 26 ألف/للطن لـ 28ألف /للطن لـ 36 ألف/للطن وحاليا وصل لأكتر من 39 ألف جنيه للطن، وعشان كده متوقع يحصل ارتفاعات جديدة في أسعار الحديد الفترة الجاية.
وبكدة يبقى ارتفع سعر الحديد في مصر حوالي 21 ألف جنيه وده بعد ما سجل سجل 39 ألف جنيه ، وكان سعر الحديد في مصر خلال الشهرين اللي فاتو 18 ألف جنيه، و بعد موجة الارتفاع الجنونية التي ضربت سوق الحديد في مصر.
طيب ياترى إيه هي أسباب زيادة أسعار الحديد؟
طبعا المفروض إن أسعار الحديد بتتأثر بزيادة أسعار الدولار ومش بس كده ده كمان الفترة دي بدأت الأسواق تترقب إعلان مصانع الحديد عن أسعار البيع الجديدة في شهر أبريل خاصة بعد إعلان البنك المركزي عن رفع سعر الفائدة 2% ، وده اللي التجار يتوقعوا زيادة جديدة ف يالأسعار خصوصا وإن الفايدة اتحركت وده اللي ممكن يزود تكاليف الإنتاج على المصانع .
وعشان كده الفترة دي بدأنا نسمع عن طلبات إحاطة للبرلمان بتطالب بوقف نزيف ارتفاعات أسعار الحديد في مصر.
واتكلم في الموضوع ده المهندس صالح سلطان عضو مجلس الشيوخ، وقال إنه بقى في ارتفاع كبير في أسعار حديد التسلع والأسمنت ومواد البناء خصوصا إن الحديد زاد سعره أكتر من 2000 جنيه في يوم واحد.
و طالب الحكومة إنها تتحرك وبسرعه عشان توقف الارتفاع الجنوني لأسعار الحديد في مصر.وقال في بيان ليه إن الأسعار العالية دي بسبب استغلال المصانع والتجار احداث الأزمة الروسية الأوكرانية والأزمة الاقتصادية العالمية وبقوا يستخدموها زي شماعه عشان يعملوا فوضى ف الأسعار ويحققوا مكاسب إضافية.
واللي طبعا هتأثر بشكل سلبي على صناعة التشيد والنباء وشركات المقاولات الصغيره اللي معظمها قفل فعلا.
ولو انت مش عارف فـ مصر بتنتج حوالي 7.9 مليون طن من حديد التسليح وحوالي 4.5 مليون طن باليت وبتستورد 3.5 مليون طن باليت وده مش كلامنا ده أحدث أرقام أعلنتها غرفة الصناعات المعدنية.
دلوقتي قولنا في رأيك في أسباب زيادة أسعار الحديد في مصر؟، وهل فعلا جشع التجار هو السبب ؟
