لو انت عريس لسه متجوز قريب فاليوم سنزف لك خبر سار، وهذا لان الحكومة ستتيح لك قرض بقية 10 آلاف جنيه، تابعونا من خلال التقرير التالي لمعرفة كافة التفاصيل عن هذا القرض.
دلوقتي أي شاب متجوز جديد هيقدر ياخد قرض قيمتة آلاف جنيه من بنك ناصر الاجتماعي بكل سهولة، وده لأن البنك ده معروف عنه إنه بيقدم خدمات لكل المصريين وبيدعم كل الفئات .
الجميل بقى إن بنك ناصر بيقدم القرض ده بدون فوائد، بس لو قدمت عليه هتدفع مصاريف إدارية بسيطة. والمفاجأة بقى إنك هتسدد القرض ده عن طريق إنك تدفع أقساط شهرية بسيطة لمدة 3 سنين . والله يا بلاش!طب ياترى إيه مميزات القرض ده،
بص ياسيدي هقولك بنك ناصر الاجتماعي بيقدم مميزات كتيرة لكل العرسان حديثي الزواج اللي هيقدموا على القرض ده.
أول ميزة فيهم إنه بدون فوايد يعني مش هتدفع جنيه زيادة. تاني ميزة بقى إنه متاح للموظفين اللي شغالين في القطاع الحكومي وقطاع الأعمال العام,
طيب ياترى إيه هي شروط الحصول على قرض حديثي الزواج من بنك ناصر الاجتماعي هي أوراق بسيطة انت بتقدمها وبتاخد القرض مباشرة منها إنك تقدم مستند قسيمة الزواج.
بس خلي بالك لازم يكون ما عداش على تاريخ الزواج ده أكتر من 7 سنين .يعني لو عدت السبع سنين دول طلبك هيبقى مرفوض .
وفي أوراق مطلوبة عشان تقدر تاخد قرض حديثي الزواج من بنك ناصر الاجتماعي، أولهم إنك انت وزوجتك لازم تقدموا مفردات مرتب.
ولازم كمان تقدم وصل مرافق “غاز و كهـرباء” وطبعا يكون حديث، كمان لازم تقدم صورتين لبطاقتك انت وزوجتك، وكمان تقدم ورقة الرقم التأميني مطبوعة اللي هي برنت تأمينات.
وكمان هتقدم تعهد بتحويل الراتب على البنك بعد الموافقة على القرض.بس خد بالك في شرط مهم جدا عشان تقدم –على قرض حديثي الزواج وهو وجود ضامن حكومي بنفـس الأوراق اللي هتقدم بيها للقرض لكن بدون قسيمة الـزواج.
وكمان لازم يكـون عنـوان البطاقة بتاعتك هو نفسه اللي موجود في إيصال المرافق سواء وصل الكهرباء أو الغاز.طيب هل لو قدمت الورق ده هاخد القرض بسرعه ولا الأمور بتمشي ازاي؟
هقولك عشان تقدم على القرض ده وتاخده بسرعه لازم تتأكد إنك قدمت كل أوراقك كاملة لأقرب فرع لبنك ناصر قريب ليك.
وخلي بالك بنك ناصر فروعه موجودك في كل أنحاء الجمهورية.
وبعد ما بيتم مراجعه الأوراق بتاعتك من موظفين الفرع وده عشان يتأكدوا إنها صح وكاملة بيتم الموافقة على الصرف فورا ليك.
ولو انت مش عارف ف بنك ناصر بيطرح قروض بشكل دائم بدون فائدة وده طبعا بيرجع لقانون نشأة البنك واللي بيستهدف دعم الفئات الاجتماعية والأسر الأولى بالرعاية، وعشان كده البنك ده بيخضع لوزارة التضامن الاجتماعي وملوش علاقة بالبنك المركزي زي البنوك التانيه.
لو انت بقى عريس جديد قولنا رأيك في المنتجات المصرفية اللي بيقدمها بنك ناصر عشان يدعم المصريين، وهل ممكن تفكر تقدم على قرض حديثي الزواج الجديد؟
