يشكو المواطنين من راتفاع أسعار الدواجن والتي زادت بشكل كبير خلال خلال الفترة الماضية نتيجة لنقص الأعلاف، لكن المفاجأن أن الأزمة في الطريق لحلها بعد الإفراج عن كميات الذرة والفول الصويا والأعلاف التي كانت متخزنه في الموانيء وتسببت في أزمة للتجار، فهل تنخفض اسعار الدواجن ومتى موعد الانخفاض؟ هذا ما سنتعرف عليه من خلال التقرير التالي:
حصلت ازمة الأيام اللي فاتت في صناعة الدواجن وده نتيجة ان ارتفاع أسعار الأعلاف والذرة والصويا وخامات التصنيع واللي زادت بنسبة تخطت الـ 150 في المية، وطبعا العامل الأساسي لكل الزيادات دي هو الدولار واللي لما ارتفع مقابل الجنيه أثر على كل الخامات اللي مصر بتستوردها.
وكالعادة استغل الأزمة التجار ورفعوا الأسعار بشكل مبالغ فيه، لكن المفاجأة إنه مع بداية 2023 بدأت تنفرج الازمة وده بعد قرارات الحكومة الأسبوع اللي فات بالإفراج عن البضائع المستوردة في الموانئ ومنها الأعلاف.
حسب القائمين على الصناعة والتجار قالوا إن كل ما الافراجات عن حبوب الذرة والصويا تزيد كل ما المصانع الخاصة بالأعلاف هتشتغل بكل طاقتها وبالتالي الأسعار هتقل.
كمان توقعوا عودة استقرار الأسعار مرة تانية وثباتها، وتحقيق سعر عادل لسوق الدواجن واللي هيضمن استمرار الإنتاج والإقبال على الشراء من المواطنين.
قالوا كمان إن توافر الأعلاف بأسعار مناسبة هيخلي صغار التجار والمربيين يرجعوا ينتجوا بشكل كويس من تاني، خاصة وإحنا داخلين على موسم أعياد بيزيد فيها الطلب على الدواجن .
أما لو بتسأل ليه الأسعار زادت أوي عن الطبيعي فلازم تعرف إن تكلفة الإنتاج بترتفع تلقائيا بالتزامن مع دخول فصل الشتاء وده بسبب ارتفاع أسعار التكلفة عشان بتزيد مصروفات التدفئة والتحصين ضد الأمراض الوبائية التي تتسبب في نسبة نفقات ترفع من تكلفة الإنتاج .
ومن وجهة التجار ، إن أسعار الدواجن في مصر متعتبرش غالية خالص، وده لأن التكلفة الفعلية لإنتاج الدواجن المفترض مبتقلش عن ٥٠ جنيه، وفي الوقت اللي كانت بتتباع فيه الفراخ في الأسواق بـ ٣٦ و٣٧ جنيه للكيلو الناس كانت بتقول غالية رغم إنه الرقم ده أقل من تكلفة إنتاجها الفعلية، وحتى مع ارتفاع الأسعار الأيام دي واللي ٤٢ جنيه برده موصلتش للتكلفة الفعلية .
سر أزمة ارتفاع سعر الدواجن
هقولك يا سيدي، مصر إنتاجها من الدواجن ضخم جدا وطبعًا ده لأن الطلب عليها زايد من المواطنين، عشان كده لازم الحكومة تحافظ على الإنتاج ده وميقلش أبدا، ولكن واجهت الفترة اللي فاتت مشكلة في الاستيراد وده اللي عمل الأزمة.
والفترة الجاية عشان متتكررش الأزمة دي الحكومة بدأت تنفذ خطة بالتعاون مع التجار والمنتجين والمربين والجهات المعنية عشان تضمن استقرار السوق وتلبية إحتياجاته وعدم تكرار المشكلة مرة تانية، خاصة وإنها بالفعل قدرت تسيطر على السوق السوداء وتتحكم في أسواق الصرف المحلية وده اللي ساعد على الإفراج عن الأعلاف.
قولنا رأيك في أسعار الدواجن الفترة دي وهل شايفها مناسبة؟
