إن كنت تحصل على دعم استثنائي على بطاقة التموين يجب أن تحذر، وذلك لأنه في الشهر الجاي لن يصرف الدعم الاستثنائي الذي كان موجود على بطاقات التموين وهذا لأن الحكومة ستوقف هذا الدعم من أول شهر يونيو القادم.
ده اللي انتشر الساعات اللي فاتت بس، ياترى إيه حقيقة الكلام ده وهل الدعم هيقف؟ ، وهل ده معناه إن محدش هيصرف الدعم الاستثنائي المقرر واللي بيتراوح ما بين 100 لـ 300 جنيه مع البطاقة تاني؟ ، خليك معانا وإحنا نقولك إيه الحكاية:
أخبار كتيرة منتشرة على مواقع السوشيال ميديا وصفحات التواصل الإجتماعي بتقول إن الحكومة هتلغي صرف الدعم الاستثنائي المقرر على البطاقات التموينية لشهر يونيو الجاي.
لكن اطمن وده لأن المركز الإعلامي لمجلس الوزارء بالتنسيق مع وزارة التموين طلع ونفى الكلام ده كله وقال إن مفيش إلغاء لصرف الدعم الاستثنائي المقرر على بالبطاقات التموينية لشهر يونيو الجاي،ومفيش اي قرار صدر بخصوص الموضوع ده.
ده كمان أكد على استمرار صرف الدعم الاستثنائي على البطاقات التموينية للأسر الأولى بالرعاية بقيمة تتراوح ما بين 100 إلى 300 جنيه وده لحد 30 يونيو 2023.
واللي حسب وزارة التموين فـ بيتستفيد حوالي 35 مليون شخص موزعين على 8 مليون بطاقة، بواقع 100 جنيه لكل أسرة مقيدة على البطاقة
وعشان كده الوزارة طمنت الناس وقالت أنه كل أصحاب البطاقات التموينية هيقدروا يصرفوا الدفعة العاشرة من الدعم الاستثنائي من كافة منافذ المجمعات الاستهلاكية وفروع الشركات التابعة للوزارة والمنتشرة على مستوى محافظات الجمهورية.
ولو انت مش عارف فـ استهدفت الدولة بناء على توجيهات الرئيس عبد الفتاح السيسي ، صرف الدعم الاستثنائي للفئات مستحقة منها الأسر الأولى بالرعاية ، والعمالة غير المنتظمة وأصحاب معاش تكافل وكرامة وأصحاب والأرامل والمطلقات بلا عمل أو عائل أو معاش، اما لو انت مش ضمن الفئات دي فالدولة هتعتبرك غير مستحق للدعم الاستثنائي.
والدعم الاستثنائي ده كان عبارة عن 100 جنيه أو 200 جنيه أو 300 جنيه والحكومة ضافت الفلوس دي لملايين البطاقات مع صرف سلع التموين وده من تاريخ شهر سبتمبر 2022
مش بس كده ده كمان بيستفيد من صرف العيش المدعم 72 مليون مواطن، ولسة الوزارة بتدرس صرف العيش البلدي لغير حاملي بطاقات التموين.
وحسب بيانات وزارة التموين فـ تم صرف الدفعة التاسعة من الدعم الاستثنائي لأصحاب البطاقات التموينية، من الأسر الأولى بالرعاية، بقيمة أكثر من 833 مليون جنيه شهريًا.
وبيتم الصرف في صورة سلع من الحزمة التموينية، واللي مقرر يستمر صرفه حتى 30 يونيو 2023، ده كمان غير السلع التموينية اللي الدولة بتصرفها لحوالي 64 مليون مواطن مقيدين ببطاقات التموين بتكلفة تتجاوز 3 مليارات جنيه شهريًا على بطاقات التموين.
ياجماعه مينفعش نصدق الاشاعات والاكاذيت اللي بتتكب على مواقع التواصل الاجتماعي ودي نصيحة المركز الاعلامي لمجلس الوزارة للمصريين وإنهم يوصلوا للمعلومة من مصادرها الرسمية.
دلوقتي قولولنا هل تفتكروا بعد 30 يونيو وزارة التموين تاخد قرار بإلغاء الدعم الاستثنائي؟
