آخر مرة اشتريت فيها كيلوا فراخ أو بانية أو كرتونة بيض كم وجدت سعرهما؟ سواء اشتريت أو كنت من ضمن المقاطعين لشراء الدجاج لحين استقرار سعرها، فنحن الآن نطمئنك بأنك ستعاود الشراء مرة أخرى.
شوفنا أسعار الفراخ زادت بشكل مش طبيعي الفترة اللي فاتت طيب هل ممكن ترجع الأسعار دي ونشتري بأسعار زمان تاني؟
ببساطة كدة أيوة، الأسعار هتنزلت تاني وده بعد ما الحكومة قدرت تواجه أزمة العلف مش أصحاب المزارع كانوا بيقولوا ان ازمتهم الوحيدة هي نقص الاعلاف ولو طلعت من المواني السوق هيرجع لعقله؟
طيب أهي الحكومة افرجت عن الأعلاف وسابت الكورة في ملعب التجار . وده اللي حصل نوعا ما لما نزلت أسعار الفراخ النهاردة و وصل سعر كيلوا الأمهات بين 48 و 49 جنيها في المزرعة ، والبيضاء بين 53 و 55 جنيهً في المزرعة ووصلت للمستهلك للمستهلك ما بين 58.5-60 جنيه .
وده بعد ما شوفناها وصلت 70 جنيها الأسبوع اللي فات، وكان وصل سعر كرتونة البيض في الأسواق بين 90 و 95 جنيها في بعض المناطق.
طب إزاي الحكومة قدرت تحل أزمة الأعلاف؟ هقولك ياسيدي، الحكومة كلها عملت مجهود كبير عشان تحل الأزمة دي وده طبعا بتوجيهات من رئيس الوزراء الدكتور مصطفى مدبولي اللي وجه بسرعة الإفراج عن كل البضائع المصرية في الموانيء.
وفعلاً وزارة الزراعة مسكتتش وقالت إن تم الإفراج عن مستلزمات الأعلاف خلال أول أسبوع في شهر يناير واللي هي عبارة عن 150 ألف طن من الذرة وفول الصويا بحوالي 72 مليون دولار.
وقالت الوزارة إن إجمالي اللي تم الأفراج عنه خلال الفترة من 16 أكتوبر 2022 ولحد 10 يناير 2023 1.864 مليون طن منهم 1.296مليون طن ذرة ،و 568 ألف طن فول صويا واعلاف وده كله بإجمالي مبلغ 928 مليون دولار.
مش بس كده الجميل بقى إن كل الجهود دي خلت أسعار الفراخ والبيض تنخفض مرة تانية .طيب الفراخ بقت بكام دلوقتي؟
بص يا سيدي، طبعًا الأسعار اللي هنقولها دي بتختلف حسب كل منطقة مثلا عندك سعر كيلو الفراخ البيضاء: وصل سعره ما بين 54-55 جنيهً للكيلو فى المزرعة و 58.5 و60 جنيه للكيلو للمستهلك .
والفراخ البلدى وصل سعرها ما بين 68- 72 جنيه للكيلو
أما بقى الفراخ الساسو «اللي هي الحمراء»: وصل سعرها ما بين 67 و 70 جنيه
وكيلو الوراك سجل حوالي من 65- 66 للكيلو
ووصل سعر كيلوا البانيه: كانت ما بين 130- 135 جنيه للكيلو
أما الفراخ الرومي وصل الكيلو منها ما بين 70-76 جنيه للكيلو
أما الفراخ الأمهات البيضاء فكانت بحوالي من 48 -49 جنيه في المزرعة وبين 52 -53 جنيهً للكيلو للمستهلك.
واستقرت أسعار كرتونة البيض الأحمر وسجلت ما بين 86-88 جنيه للطبق في المزرعة وما بين 94-96 جنيه للمستهلك وده طبعا حسب المنطقة ، ووصل سعر الأبيض 85 جنيه في المزرعة ، وبقت ما بين 90 و 92 جنيها للطبق للمستهلك ، أما سعر البيض البلدي بين فوصل سعره ما بين 100 و 102 جنيه للطبق.
.
بعد تراجع أسعار الفراخ والبيض قولنا رأيك في جهود الحكومة لضبط الأسعار؟
