اعترافات صادمة لأمين الشرطة الذي أنهى حياة زوجته وأولاده وعائلة زوجته

فرغت فيهم خزنتين وخلصت على الكل!.. اعترافات صادمة لأمين الشرطة الذي أنهى حياة زوجته وأولاده وعائلة زوجته: لماذا حاول ينهي حياته؟ وقرار عاجل من النيابة

أنهيت حياتهم وفرغت فيهم خزنتين وخلصت على الكل ..مكانش قدامه حل غير إنه يعترف ويقر بكل اللى عمله فى عياله ومراته وأهلها كمان..مكانش قدامه مخرج من القضية خالص ..القضية لابساه لابساه خاصة بعد شهادة الشهود والأدلة!

أعترافات أمين الشرطة اللى أنهى حياة 7 أفراد مرة واحدة وفى لحظات وب 28 طلقة خلص علي الكل حتى اللى فى المطبخ ودخل على عياله أوضة النوم علشان يكون مصيرهم نفس الكبار!ويفارقوا الحياة

فى جبروت أكتر من كده؟ خلص عليهم قبل إذان المغرب وقام يفطر ..ومش بس كده حاول ينهى حياته بأكتر من طريقة وفشل!

اللى قاله فى التحقيقات ميجيش حاجة جنب اللى كلنا عرفناه الأيام اللى فاتت عن الواقعة..عمل كده إزاى فيهم بالتفصيل؟وليه حاول ينهى حياته؟7 أدلة عجلت بقرار النيابة بإحالة الأب المتهم للجنايات..

الأدلة كلها كانت ضده..وبتثبت إرتكابه للواقعة دى وإنهاء حياة أولاده ومراته وأهل مراته، علشان كده أمر النائب العام بإحالة المتهم لمحكمة الجنايات..

وأول الأدلة دى هى إعترافات المتهم بإرتكابه ماديات الواقعة ، وأقوال 13 واحد شاهد على الواقعة،تقارير الطب الشرعى اللى إثبتت تعرض الأسرة لإصابات كبيرة في منطقة الصدر والضهر بطلقات لها فتحات دخول وخروج، وكانت على مسافة قريبة، كمان الفريق البحثي جمع حوالى الـ ٣٠ فارغ طلقة نارية عيار ٩ ملى من أماكن متفرقة بالشقة مسرح الواقع، وده معناه أن المتهم أفرغ خزنتين من الطلقات.. ودى كانت من ضمن أعترافات المتهم بردوا!

كمان توقيع الكشف الطبي على الولد المجني عليه الثامن، وتقارير الإدارة العامة لتحقيق الأدلة الجنائية الخاصة بمعاينة مسرح الواقعة،و الآثار اللى فيها

مش بس كده لما تم فحص أداة المتهم اللى أرتكب بها الواقعة،وقارنوه بالفوارغ والطلقات المضبوطة لاقوها واحدة ..
ده غير طبعا فحص كاميرات المراقبة اللى موجودة بمسرح الواقعة..

ومن حوالى كام يوم كده كانت النيابة العامة انتهت في تحقيقاتها مع المتهم وإرتكابه الواقعة عن عمد وبتخطيط سابق لها لأسباب حصلتها النيابة العامة في الأوراق، وقدمته للمحاكمة بعد ما اطمنت لصحة ثبوت الواقعة وإسنادها ليه..وده طبعا بعد ما تم حبسة 4 أيام على ذمة التحقيقات..

الناس مصدومة إزاى هان عليه ولاده ويشوفهم قدام عينه وهم بيلفظوا أنفاسهم الأخيرة؟إزاى مراته هانت عليه..حرام يتقال عليه أب أو زوج لإنه معملس حساب لأى حاجة تجرد من كل المشاعر فى لحظات..

ولو دورنا على السبب مفيش..مفيش سبب للخلاف ..يخلى شخص يعمل كده فى أهله ،كل الحكاية شوية خلافات زوجية عادية وقرروا ينفصلوا ..هو هنا إتجنن وقرر إن ده مش هيحصل أبدا وخلص عليهم كلهم وحاول يفارق الحياة هو كمان ..لكن للأسف مش مكتوبله الراحة من بعد علملته ده ..لازم يتعذب ويشوف المر فى أيامه الأخيرة قبل ما يفارق الحياة بس هيكون تحت إيد عشماوى إن شاء الله ..

المتهم قال فى التحقيقات بعد ما عمل اللى عمله ده هرب ،و طلع على صيدلية علشان يشترى مشرط وينهى حياته هو كمان ..لكنه فشل فى كده وكل اللى حصله جرح بسيط فى معصم إيده

حاول تانى يفارق الحياة بأى طريقة ..وراح عند شريط السكة الحديد ورمى نفسه قدام القطر وبردوا فشل وقال إن القطر مجاش.

نتمى إن يتم الحكم عليه بعشماوى وتنفيذه فى أسرع وقت ،علشان يكون عبرة لكتير بيعلقوا سبب أرتكابهم للواقعة على شماعة الخلافات الزوجية والاسباب التافهه اللى بيروح بسببها الأولاد وهم لا حول لهم ولا قوة ..