أخبار الحوادث

طبيب يصدم الجميع بعد تورطه في قضية تهريب وبطريقة غريبة جدا

مسلسل التهريب شغال في البلد ولا ينتهي، وكل يوم والأخر نسمع عن قضية غريبة،حتى وصل الأمر إلى دكتور شهير ويعمل في التهريب.

إيه حكاية الطبيب المصري القادم من دبي؟ وماذا فعل في المطار؟ وماذا كان يهرب؟.. تفاصيل كثيرة نكشفها في التقرير التالي:

على الرغم من أنه طبيب بس ده ممنعهوش أنه يشتغل في التهريب، والغريب أن الحاجة اللى حاول تهريبها دى، موجودة أصلا في مصر وكتير جدا كمان، يعنى كان يقدر يروح أي مكان في مصر هيلاقيها بالساهل جدا، مافيش عليها خلاف يعنى، ومش ممنوعه في البلد ولا حاجه.

حد هيسألنى أذا كان ليه الدكتور ده يعمل كده أصلا، وإيه هي الحاجة دى أصلا اللى غلبت الراجل وعملت فيه كده، الحقيقة أن الحاجة اللى حاول الطبيب يهربها هي خاصة بالنساء، وبالتحديد أدوات طبية خاصة بجراحات النساء والتوليد يعنى، حاول الطبيب أنه يهربها داخل شنطته وهى بيعدى من مطار أسوان الدولى، وهو جاى من دبى.

طيب ليه الراجل يعمل كده، ويحاول يهرب من رجال الجمارك، اتضح أن الأدوات اللى جاى بيها الطبيب من دبى هي أدوات غاليه جدا في مصر، وعشان يجيبها من هنا هيدفع قصادها فلوس كتير، والأدوات دى متوفرة جدا في دبى سعرها هناك رخيص.

فا هوا قال أما أعمل حاجتين في وقت واحد، وأثناء سافره دبى وأنه يعمل شغل هناك وفى نفس الوقت وهو راجع يجيب الأدوات دى، ويبقى كده كسب من كل النواحي، تفكير خطير من الدكتور ، وعشان هو عارف أن رجال الجمارك في مطار القاهرة صاحيين قوي… قرر أنه يكون أذكى منهم ويحجز على مطار أسوان في الصعيد.. وهو فاكر أن الدنيا هناك هادية وهيقدر يعدي بالحاجة بتاعته.

للأسف الدكتور الخطة بتاعته مش ظبطت معاه، واتقفش في المطار، ما هما رجالة الجمارك صاحيين ومركزين قوى، وعنيهم وسط راسهم دلوقتى، وفيه تنبيهات عليهم ميعدوش حاجه كده بالساهل.

الدكتور أول ماحط رجليه في مطار أسوان الدولى ولاحظة موظف من شرطة الجمارك وهوا عمال يتلفت حواليه ويحاول يروح لصاله الترانزيت، وهنا شك فيه وراح عليه سألة، أنت بتعمل إيه يا أستاذ وإيه اللى معاك فى الشنط دى، وحاول الدكتور يتوه في الكلام ويقوله دى لبس اللى كنت مسافر بيه وكده، بس الموظف مصدقش الكلام، وقاله هات معايا الشنط دى على مكان الفحص بالأشعة تحت الحمراء، ولما راح بقى ظهرت الحقيقة، وانكشف الحاجة اللى معاه.

ودلوقتى الدكتور بيتعمل له محضر وهايتعرض على النيابة علشان تحقق معاه وياخد حكم في القضية اللى عليه، ويكون عبرة لكل واحد بيفكر يعمل زيه ويهرب حاجات من بره لمصر، كان الأولى أنه يجيبها عن طريق جهات رسمية بدل ما يحاول تهريبها.

اه من حق نسيت أقولكم الحاجات اللى اتمسكت مع الطبيب، طلع كان بيحاول يهرب ماسكات إبر و جفتات ومقصات وعدسات ولوالب ومحرك رحمى، أيوه زى ماسمعتم كده، كلها حاجات عادية يعنى كان ممكن يجيبها من هنا، وبسببها الدكتور اتعمله قضية.

أنتم من رأيكم الحاجات اللى كان جايبها الدكتور معاه دى تستاهل المخاطرة عليها، ولا كان يريح نفسه ويجيبها من مصر ويدفع فلوس زى ما يدفع المهم ميتعملوش قضية.

اكتبوا رأيكم في التعليقات.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى