أحمد مكي يكتب نهاية مأساوية لسلسلة الكبير أوي

انتقادات كثيرة تعرض لها الجزء السابع من مسلسل الكبير، رغم النجاح الكبير الذي حققه في الموسم الماضي، ولكن واجه نجوم العمل العديد من الاتقادات سنتعرف عليها من خلال التقرير التالي:

الكبير عمل العكس و الجزء التاني و التالت نجحوا جدا .. ممكن الرابع و الخامس مكانوش بنفس قوة الأجزاء الأولى بس نقدر نقول مقبولين.. و وقف مكي الكبير عند الجزء الخامس و خلاص كده .. جيه في ٢٠٢٠ قالوا هيعملوا جزء جديد من الكبير .. طبعا سعادة كبيرة جمهوره حس بيها .. بس مكملتش لانه مكي دخل مسلسل الاختيار ٢ و أجل عرض الجزء السادس ل رمضان ٢٠٢٢..

ونزل الجزء السادس و اللي حقق نجاح يمكن زي الجزء الأول .. و الناس طلعت ب رحمة أحمد لسابع سما .. و بأفكار الحلقات و الكوميديا اللي مش مفتعلة .. طبعا صُناع المسلسل أما شافوا كده قالوا ما نعمل جزء سابع كمان .. ما أكيد هينجح .. و شوية هزار من هنا .. على افيهات هجرس و جوني و زي الفل على كده

بس حسبتهم طلعت غلط .. و الجزء السابع خيب كل توقعاتهم .. و من أول يوم عرض ليه. والمسلسل معملش نفس صدى السنة اللي فاتت .. لا ده كمان بيتهاجم.. وديه محصلتش قبل كده مع مسلسل الكبير أوي ..ويمكن أما حصل الهجوم خلى كل فريق العمل يشوفوا هما هيقدموا ايه الفترة اللي باقية في رمضان ..

بس بردو زي ما تقولوا كده اتقلب السحر على الساحر .. وجم يصلحوها باظت خالص .. مكي و المؤلفين عملوا زي التاجر أما يفلس بيدور في دفاتره القديمة .. و بقى بيعيد تقديم أفكار قديمة نجحت وقت عرضها في الأجزاء الأولى .. بس مش شرط يا مكي انها تنجح تاني في الجزء ده

لقينا انه بيعيد حلقات فريق المزاريطة .. و اللي قدمها جوني في الجزء التاني .. و عمل فريق و كسبوا و الدنيا حلوة .. حب يعملها تاني بس بشكل مختلف بقى و الكوميديا فيه معتمدة على الألش .. حتى تحس ضيوف الشرف اللي موجودين .. جايين يساعدوا صاحبهم .. أو ينقذوا ما يمكن انقاذه …معملتش صدى بردو .. راح جايب نجوم كورة معتزلين .. اهو يمكن اللي بيحبوهم يتفرجوا عليهم .. بردو معملتش حاجة ..

ومن الواضح ان الجزء ده هيكون أخر جزء للكبير .. وأسباب فشله كتير مش بس مربوحة و افتعالها .. لا كمان لأن مفيش أفكار جديدة تتقدم .. بقى في مط في الأحداث .. و بيعيدوا و يزيدوا في اللي قدموه قبل كده .. من الأخر متحضرلوش كويس ..مش عارفين هل الحلقات الأخيرة هتعدل الكفة ولا يقفلوا سلسلة الكبير .. علشان ميخسرش باقي الجمهور اللي لسه بيحب المسلسل علشان ذكرياتهم معاه .