منذ قليل اكتشف جماهير الأهلى حاجه غريبه جدا،لا نعرف إن كانت صدفة أو ماهي حكايتها؟ لكن اكتشفوا أن لاعب الأهلي محمود كهربا تنبأ بالخسارة الكبيرة للأهلى من صن داونز، وأيضا غنى للخسارة.
أزاى كهربا تنبأ بخسارة الأهلى وغنى كمان ليها ؟.. طيب جماهير الأهلى عملت فيه ايه بعد اللى عمله ده؟ كل ده وأكتر هنعرفه مع بعض في الفيديو ده.
من شوية وزي ما انتم عارفين النادى الأهلى خسر من نادى صن داونز، وكانت الخسارة كبيرة قوي على الأهلي،خسر بخمس أهداف، ماكنش حد نهائي يتوقع الخسارة دي للنادى الأحمر بطل افريقيا اكتر من بره، والتالت على العالم فى كأس الأندية، بس فيه واحد بس كان عنده توقع للخسار دي، وهو كابتن محمود كهربا، نجم النادى الأهلى واللى عليه مشاكل لحد دلوقتي مع نادى الزمالك.
كهربا سنة 2021 كان توقع خسارة النادي الأهلي من صن داونز، تحس ان الواد فيه حاجه لله، توقع الخسارة وكمان غنى ليه، وبسبب اللى عمله ده جماهير الأهلى النهارده مستحلفاله، وفيه ناس تانيه للامانه يعنى واقفه معاه وفي صفه.
ازاي بقي كهربا توقع الخسارة دي؟
زي ما انتم شوفتم كده في الفيديو كهربا واقف في استوديو وبيغنى، وعامل فيها حسن شاكوش فى زمانه.
المهم كهربا سنة 2021 نزل الصورة اللى أنتم شفتوها دي وهوا بيغني، نزلها عنده على صفحته على فيس بوك وانستجرام، وعلق عليها وقال:”لواحد ربك هو الواحد، اتنين يا الحسن و الحسين، تلاتة بالله العظيم ما جي هنا تاني، أربعة صحبتنا حلوة مربعة، الخمسة عدد صوابع الكف”.
وبعض من الجماهير النهارده جابت البوست ده وأعادت نشره، وقالت إن كابتن محمود كهربا كان متوقع نتيجة المباراة بتاعت النهارده اللى خسر فيها الأهلي من صن داونز خمسة إتنين، وكلام طلع أن كهربا فرحان في الخسارة بتاعت الأهلى وكده، ولو صدق الكلام ده وطلع فعلا كان متوقع الخسارة وفرحان فى الأهلى فكابتن محمود الخطيب وسيد عبد الحفيظ، ها يصدروا في حقه قرارات وغرامات أكبر من غرامه الزمالك اللى عليه.
بكده نكون قولنا ليكم الجزء الأول اللى الجماهير قالته على كابتن كهربا وأنه توقع خسارة الاهلى من صن داونز بخمس اهداف، ودلوقتي يجي الدور على الرأي التاني اللى بردوا جزء من جماهير الأهلى قالته، فيه بعض من جمهور الأهلي قال إن البوست ده بتاع كهربا مالوش علاقة بالخسارة النهارده من صن داونز بنتيجة 5 – 2، وأن أصل البوست كانت اتكتب وقتها جزء من تريقه وسخريه لكهربا من نادى الزمالك.
هتقولي طيب ايه علاقة الزمالك دلوقتى، هقولك ما الزمالك خسر من الأهلي سنة 2021 بنتيجة 5 – 3 في بطولة الدوري الممتاز، ووقتها كان فيه حفله من لاعبى الأهلى على الزمالك، وفى نفس الوقت كانت فيه خناقة كبيرة بين كهربا والزمالك، بسبب إنه مشى وسابهم، واللى بسببها طلعت عليه الغرامة اللى لسه ماسددهاش لحد دلوقتي.
ودلوقتي وبعيدا عن الخسارة الكبيرة بتاعت الأهلي من صن داونز دى، انتم ايه رايكم فى اللى حصل مع كهربا ده، هل اللاعب فعلا كان تنبأ بالنتيجة ولا كان بيسف على الزمالك؟.
