فنانين فقدوا عقلهم ودخلوا مستشفى العباسية ..أحدهم دخلها بسبب خروف!!

سبحان الله الفنان من هؤلاء يكون معه كل شئ  سواء فلوس او شهرة ونجومية وفجاة تلاقيه فقد كل حاجة.

على الكسار دخل المستشفى بسبب خروف العيد

الفنان “علي الكسار” كان واحد من رواد المسرح المصري، وصاحب تاريخ مؤثر في السينما المصرية بأفلامه اللي لسة لحد دلوقتي بتحقق مشاهدات عالية.
“على الكسار” كان جايب خروف العيد وفجاة الخروف شرب غاز قبل العيد بيومين، فكر يعمله غسيل معدة فوداه المستشفى.

ركب “على الكسار” تاكسي بالخروف والسواق وداه المستشفى ولما دخل الدكتور ساله عاوز ايه؟ قاله عاوز اعمل غسيل معدة للخروف!

فساله الدكتور انت عارف انت فين دلوقتي؟ قاله لاء، فقاله انت في مستشفى المجانين رد الكسار قال يا وقعتي، فقاله خد بعضك انت والخروف وروح على بيتك بدل ما تتحجز بسبب جنانك ده.

اسماعيل ياسين صانع البهجة في مستشفى المجانين

يعتبر النجم”اسماعيل ياسين” هو صانع البهجة ونجم الكوميديا الأشهر في تاريخ السينما المصرية لكن هل تعرف ليه دخل مستشفى المجانين؟

“اسماعيل ياسين” ضحك ناس كتير وفي سنة 1950 اتعرض لموقف غريب بسببه دخل مستشفى الأمراض العقلية لمدة 10 أيام.

كان الملك فاروق حاضر حفل لاحدى الجمعيات الخيرية، واسماعيل ياسين كان حاضر فطلبوا منه يقول نكتة.

بدا اسماعيل يقول النكتة فقال للملك ” مرة واحد مجنون زي جلالتك كدة”، ولسة مكملش رد عليه الملك قاله” بتقول ايه يا مجنون انت، فاسماعيل ياسين عمل نفسه انه اغمى عليه.

امر الملك فاروق طبيبه الخاص يوديه المستشفى للكشف عن فواه العقلية، وبالفعل اتحجز فيها 10 ايام.بعدها عمل فيلم اسماعيل ياسين في مستشفى المجانين.

سهير فخري فاتنة الشاشة

الفنانة “سهير فخري” كانت فاتنة الشاشة المصرية وجميلة الجميلات، لكن برضه هي الفنانة اللى اتحول جمالها من نعمة لنقمة.

عاشت قصة حب مع السيناريست الشهير ” محمد كامل حسن ” اللي انتهت بجوازهم وفي مرة شافها سكرتير المشير عبد الحكيم عامر فأعجب بها.

طلب منها الجواز ردت عليه بانها ست متجوزة، فعرض على جوزها يطلقها لكنه رفض، سكرتير المشير قرر ادخاله مستشفى الامراض العقلية لإجباره على الطلاق وبالفعل تم حجزه لمدة 4 سنوات، ورفع عليه “سهير” قضية طلاق لتنفصل عن جوزها السيناريست.

منى ابراهيم عاشت الشهرة ونهايتها داخل مستشفى المجانين

الفنانة والراقصة “منى ابراهيم” كانت واحكة من نجوم مصر في ستينيات القرن الماصي، اتولدت في طنطا ودخلت الفن عن طريق الرقص.

منى ابراهيم عملت ادوار جريئة كتير، منها فيلم الاستاذ ايوب اللي فتح عليها باب الهجوم من كل مكان فزادت شهرتها.”منى ابراهيم” كانت بتسافر لدول عربية وأوروبية بأستمرار لإحياء حفلات الرقص خاصة في لبنان

وكانت الفنانة المعروفة بعدد زيجاتها المتكررة لدرجة انها لما كبرت جاتها امراض الشيخوخة وعاشت آخر أيامها داخل مستشفى المجانين.

حنان الطويل ترحل من داخل مستشفى المجانين

وبالرغم من الشهرة اللي وصلت لها الفنانة “حنان الطويل” إلا أنها واجهت معاناة كبيرة في آخر أيامها. حنان كانت ولد واسمه طارق لكن عملت عملية تحويل لامرأة وبقى اسمها “حنان” وبسبب نظرة الناس لها حبست نفسها في البيت والجيران طلبوا ادخالها مستشفى المجانين.

وبالفعل دخلتها لفترة طويلة لحد ما فارقت الحياه وهي جواها بشكل مفاجئ، سنة 2004 عن عمر 38 سنة.