ممثلة مميزة ومطربة صوتها حلو،معروفة بدمها الخفيف وفي مرة اعترفت إن دماغها تعمل 24 ساعة وهذا يسبب لها مشاكل. ولدت في أسرة فنية.. ابوها وامها كانوا كل حياتها، وخلال مسيرتها الفنية تعمل للجمهور ألف حساب، نتكلم عن الفنانة الجميلة دنيا سمير غانم.
مين هو فتى احلام دنيا قبل زواجها.. مفاجاة؟
في حياة “دنيا سمير غاتم” اسرار كتيرة اوي اهمها فيديو نادر ليها اتكلمت فيه عن فتى احلامها وكمان شايفة الجواز في حياتها ازاي؟
“دنيا” قبل جوازها بسنوات.. اتسألت عن مواصفات “فتى احلامها” فقالت ان كل صحباتها في الجامعة اتجوزوا ماعدا هي لأنها ضد جواز البنت في سن صغير.
في الفيديو ده قالت إنها اتفقت مع باباها ومامتها متتجوزش في سن صغيرة، لأنه هيكون صعب عليها تتحمل ظروف الحمل والولادة وكمان مش هتقدر تعيش مع جوزها قبل متحبه او تفهمه.
“دنيا” اعترفت بقصة حبها اللي فشلت وقتها.. قالت في اعترافاتها انها جربت الحب لما اشتغلت في الفن فلقت إن تفكيرها هيبقى مشتت ما بين الحب والفن فاضطرت تاجيل الحب والزواج.
وعن مواصفات فتى أحلامها قالت “دنيا سمير غانم” في لقائها مع الفنان “طلعت زكريا” في برنامج “الدماغ فيها ايه؟”
انها بتتمنى يكون جوزها المستقبلي بنفس مواصفات والدها الفنان “سمير غانم” لانها شايفاه فتى احلامها وكمان شايفاه “الزوج المثالي” في حياتها.
حرقت البسلة وايمي بتطبخ احسن منها
وعن مواقف طريفة حصلت لدنيا في المطبخ قالت إن والدتها الفنانة “دلال عبد العزيز” دربتها على فن الطبخ علشان تبقى زوجة مثالية بعد كدة.
بتقول انها هتعتمد على نفسها لو مفيش طباخة في البيت.. واعترفت انها مكانتش تعرف تعمل الملوخية وعمتها هي اللي علمتها تعملها ازاي.
كمان قالت انها في يوم عملت “بسلة” لاسرتها لكن للاسف اتحرقت على النار، واعترفت إن “إيمي” اختها اشطر منها في الطبخ.
ولو جوزها المستقبلي رقض توفير شغالة في البيت قالت انها هتقوم هي بمسح البيت وتنظيفة لكن وقتها لازم يستحمل شكلها لو رجع لقى هدومها وشكلها كله تراب.
قصة حب مع احمد مكي
دنيا سمير غانم شكلت مع الفنان “احمد مكي” ثنائي شهير على الشاشة من خلال مسلسل الكبير اوي بكل اجزائه، وحققوا من خلاله نجاح كبير.
عملوا مع بعض اكتر من عمل فني وبسبب مشاركتهم انتشرت شائعات قوية على السوشيال ميديا بوجود قصة حب بينهم، وقرب ارتباطهم. لكن الفنان “سمير غانم” كان قال إن بنته دنيا واحمد مكي بتربطهم علاقة صداقة قوية لكن نفى خطوبتهم!!
بعدها اتنشرت تقارير إخبارية قالت إن في علاقة حب بتربط دنيا ومكي وده اللي اكدته الفنانة “دلال عبد العزيز” لواحدة مقربة ليها، لما قالت لها إن ميعاد خطوبتهم قرب وفجاة احمد مكى اعلن زواجه.
“احمد مكي” بعدها صدم دنيا لما اعلن جوازه من سيدة اعمال تمتلك فروع لمراكز تجميل، في حفل اتعمل بسرية بحضور اقراد العائلة.
“دنيا سمير غانم” مواليد 1985.. لما كملت عشر سنوات دخلت مجال الفن بفيلم “امرأة امرأة”.. وبالنسبة لدراستها فهي خريجة جامعة “مصر للعلوم والفنون MSA”.
واول بطولة ليها كانت سنة 2005 لما شاركت محمد هنيدي فيلم “يا أنا يا خالتي” . دنيا ليها اغنية كسرت الدنيا وهي “قصة شتا” اللي حققت مشاهدات وصلت 15 مليون مشاهدة سنة 2014 .
حالياً مرتبطة بالاعلامي “رامي رضوان” ومعاها منه بنت اسمها “كايلي” وعن اول لقاء بينهم قالت إنه كان في كافيه بالمهندسين بحضور اصدقاء مشتركين، ومن اول نظرة وقعوا في حب بعض.
عودة في رمضان بعد غياب 3 سنوات
“دنيا” اتسببت في ضجة كبيرة على السوشيال ميديا خلال الساعات اللي فاتت، بعد اعلان اسم مسلسلها اللي هيتعرض في رمضان اللي جاي.
بعدما استقرت الشركة المنتجة على اسم “جت سليمة” بدلا من “صراع الفصول” وده المسلسل اللى هتخوض يبه السباق الرمضانى 2023 بعد غياب 3 سنوات عن الدراما وبيتكون من 15 حلقة وبتدور أحداثه فى إطار كوميدى.
المسلسل هيكون من إخراج إسلام خيرى وإنتاج أحمد السبكى، هيشاركها بطولته كل من محمد سلام، وسامي مغاوري وغيرهم.
