مفاجأة عن غش النسكافية وكيفية تمييز الأصلي من المغشوش

شربت نسكافية قبل كده؟ فهل سمعت عن أنباء غشه ببودرة البلاط والأسمنت الأبيض، فهل هذه الأنباء حقيقية أم أنها مجرد إشاعات؟ تابعونا من خلال هذا التقرير سنكشف معلومات مفاجئة:

بيقولك المصريين بياكلوا الزلط وما بيهمهش حاجة؟ بس تفتكروا هيقدروا يهضموا الأسمنت وبودرة البلاط؟أيوة زي ما سمعت كده كلنا شربنا نسكافية على مدار حياتنا محدش فينا خالي من بودرة البلاط والأسمنت الأبيض، وده اللي كشفه فيديو انتشر بسرعة على مواقع التواصل الإجتماعي واللي ظهر فيه وجود ملايين من عبوات الشاي ومشروب القهوة الشهير “النسكافية” في مصنع مش مترخص فـ محافظة الغربية واللي بينتجها من مواد مجهولة

و مقطع الفيديو ده عمل حالة من الرعب لكل المصريين بعد ما نزل على مواقع التواصل الإجتماعي، وده بعد ما ظهر المصنع بيعمل النسكافية من بودرة البلاط والأسمنت الأبيض.

بس اللي يطمن إن الشرطة قدرت تكشف اللي بيحصل ده وضبطت العبوات اللي كانت موجودة في المصنع واللي كانت كلها منتجات مغشوشة وصل عددها لـ 5 ملايين علبة وكان موجود كمان خامات متجهزة عشان يصنعوها حجمها 3 طن إنتوا متخيلين يعني تغرق السوق كله.

طيب إيه رد الشركة اللي اتغش النسكافيه بتاعها ؟مصدر مسئول بشركة نستلة مصر قال إن الشركة هتنشر بيان يوعي الناس ويعرفهم ازاي يفرقوا بين أنواع النسكافيه والكوفي ميكس الأصلية اللي من انتاج الشركة والمغشوشة اللي في مصانع بتعملها عشان تستغل ظروف الناس الاقتصادية.

وفعلا المهم في الموضوع ده إن المصريين يقدروا بعد كده يتعلموا ازاي يفرقوا ما بين النسكافية والمنتجات الغذائية المغشوشة وما بين المنتجات الأصلية.

وخلي بالكم لأن المنتجات المغشوشة دي بيستخدموا فيها أكياس وعلب المنتجات الأصلية بعد ما انتوا بترموها عشان كده مش سهل تعرف الفرق وده اللي خلى الناس متعرفش إنها بتشرب نسكافية مليان بـ بودرة البلاط ، وده لأن الحملة دي كما لقت في المصنع ده شكاير من الجبس والأسمنت الأبيض.، واتحفظت على كل المضبوطات وشمعت المصنع كله وحولت كل المسؤولين عنه للنيابة اللي بتحقق دلوقتي في الموضوع.

طيب إزاي تفرق بين الأصلي والمغشوش؟ هقولك ياسيدي تفرق إزاي بطريقة بسيطة عن وهي إنك تركز في شكل كيس النسكافية، وده لأنه لو مضروب بيكون تقفيل الكيس وحش وباين عليه إنه والصور اللي مطبوعة عليه بتكون مبكسلة وطبعا لو قارنته بأي كيس أصلي هتكون الصورة أوضح.

كمان هتلاحظ إن اللوجو مكتوب بشكل مختلف عن الكيس الأصلي، ولو لمست الكيس المغشوش بأيدك هتلاحظ إنه خشن ومش ناعم

ده كمان غير إنك لو من عشاق القهوة والنسكافيه هتعرف تفرق بين الأصلي والمغشوش، وده لأن الأصلى ريحة القهوة بتكون فيه ظاهرة وقوية، أما المضروب هتلاقي فيه بودرة بتلمع وريحته ملهاش علاقة بالقهوة.

قولنا بعد اللي عرفته ده ممكن تشرب نسكافيه تاني؟