علقت الإعلامية ياسمين عز، على فوز منتخب الأرجنتين ببطولة كأس العالم قطر 2022، ووجهت رسالة للاعب ليونيل ميسي.
وقالت ياسمين عز، في برنامجها “كلام الناس”: “أنا ربنا نصرني، أوعوا تنكروا إن في اللحظة اللي ميسي شال فيها كأس العالم افتكرتوني وافتكرتوا كلامي عن ميسي ومراته”.
وتابعت: “شفتوا الاستقرار والجواز بيعمل إيه، وشفتوا الست لما تكون واقفة في ظهر جوزها وتدعمه وتدلعه وتهننه وتحننه وبتاخد بالها منه وبتخليه أحسن حد في الدنيا بيبدع ويطلع أحسن ما عنده وبتخليه عنده طاقة فوق طاقته.”
«أنا ربنا نصرني».. تعليق مثير من ياسمين عز على فوز ميسي بكأس العالم
وأضافت: ” بعد الماتش من ساعة لما مسك الكأس ما سبوش من إيده إلا لما شاف مراته وخدها في حضنه وهي من كتر فرحتها وقلبها اللي كان مرفرف اترمت في حضنه وعيطت”.
وأكملت ياسمين عز: “: مع خالص تقديري لكريستيانو لكني بحس إن جورجينا شاردة 24 ساعة بره البيت، وبتلف وتبرم ومش مهتمة بـ بيتها وأسرتها”.
واختتمت: “أنتونيلا زوجة ميسي زي حتة النوتيلا بالشوكولاتة عايشة لبيتها.. وولادها نضاف شعرهم بيلمع وريحتهم نضافة، وأم وست بيت من الستات اللي بتدخل على أزواجها بحتتين كيك وكوباية شاي في البلكونة.”
