في الوقت الذي يسعى فيه كل مصري لكي يؤدي مناسك العمرة وجدنا أن أسعار رحلات العمرة ارتفعت بصورة كبير جدا خلال الفترة الماضية، لكن السعودية أصدرت قرار تاريخي تستطيع من خلاله أن تسافر لعمل عمرة بالمجانن ولكن ما هي الشروط وكيف يمكنك السفر هذا ما نتعرف عليه من خلال التالي:
مفيش شك أن كلنا بندور على فرصة عشان نقدر نسافر وتؤدي مناسك العمر في بيت الله ونشوف الكعبة.. المملكة العربية السعودية أصدرت قرار تاريخي هتقدر من خلاله تعمل عمرة ببلاش وتشوف مباريات كأس العالم في قطر كمان.
سعد جميل القرشي مستشار اللجنة الوطنية للحج والعمرة بالسعودية قال إن المملكة أطلقت ما يسمى تأشيرة بطاقة المشع (هيا) الخاصة بفعاليات كأس العالم.
كمان قال إن التأشيرة دي فريدة من نوعها والمملكة تطلعها لأول مرة في عشان تقدر الناس اللي هتابع كأس العالم في قطر توصل السعودية وتعمل عمرة بكل سهولة وبدون أي تعب أو مجهود.
القرشي قال إن كل شخص هيقدر يطلع تأشر (هيا) الخاصة بفعاليات كأس العالم في قطر 2022 هيقدر يعمل العمرة في خلال كام ساعة فقط في السعودية.
وأكد مستشار اللجنة الوطنية للحج والعمرة بالسعودية أن التأشيرة الإلكترونية الخاصة بالعمرة واللي بتطلع لكل زوار المملكة اللي معاهم بطاقة “هيا” الخاصة بفعالية كأس العالم 2022 يبتطلع بالمجان وبدون دفع أي رسوم عشان كل فرد يقدر يعمل عمرة مجانا.
كيف تسافر لعمل عمرة في ساعات؟
القرشي قال إن كل اللي تحتاجه عشان تقدر تطلع تأشيرة إلكترونية لأداء العمرة في المملكة هو أنه يكون معاك بطاقة مشجع (هيا) واللي بتطلع مع الناس اللي هتحضر كأس العالم في قطر لأنه من خلالها هتروح تدخل على المنصة الخاصة بالتأشيرات للعمرة.
وبعد كده تسجل الدخول وتدخل رقم البطاقة بتاعتك ويطلعلك تأشيرة العمرة واللي بتكون سارية لمدة 60 يوم واللي تقدر خلالها وأنت بتحضر فعاليات كأس العالم تسافر من قطر إلى السعودية في كام ساعة وتعمل عمرة وترجع بكل سهولة.
القرشي قال كمان إن كل اللي عليك أنك تسافر سواء من خلال الطيران زي ما أنت حابب على أي شركة متخصصة في الطيران أو حتى بري من خلال العربية اللي تقدر تسافر من خلالها من قطر إلى السعودية لكن الأمر ده بيكون شاق على فئات من الناس عشان هتضطر لقيادة العربية لساعات طويلة على الحدود بين البلدين لكن من خلال تأشير العمرة وبطاقة (هيا) هيقدروا يدخلوا المملكة من على الحدود بكل سهولة وبدون أي إجراءات.
مستشار اللجنة الوطنية للحج والعمرة بالسعودية قال إ المملكة مش حاطة اي شروط خاصة عن أنه يكون الشخص اللي عايز يطلع تأشيرة العمرة معاه بطاقة (هيا) الي بيحضر بيها فعاليات كأس العالم غير أنه ياخد تأمين طبي قبل ما يدخل المملكة واللي هيكون متوفر على المنصة بكل سهولة برضو.
