فن و مشاهير

دراما رمضان 2023 تغلق حنفية بيومي فؤاد وما هو قراره بعد الكبير؟

بعد الحالة التي عاش فيها نشاط فني كبير في السنين الماضية، لم يظهر الفنان بيومي فؤاد في مسلسلات رمضان 2023 إلا من خلال 4 مسلسلات وطلع فيه كلهم بأدوار شرف، بس يا ترى ما سربعد بيومي فؤاد عن الأدوار الرئيسية رمضان 2023؟

بدأ الموضوع من تانية ثانوي واشتغل في حاجات كتير كان منها إنه اشتغل في محل سمك في ميدان سفنكس، بيومي فؤاد عرف ساعتها إنه ياخد في الشهر 90 جنيه عشان يقدر يصرف على تعليمه ونفسه، فكان بيشتغل في تنضيف السمك من الساعة 12 بالليل لحد الساعة 8 الصبح ويتصور مع الفنانين لما يجوا المحل، وقدر يغطي مصاريف السنة الدراسية بتاعته اللي كانت كلها على بعضها 100 جنيه.

شغل بيومي فؤاد قبل دخول الفن

بيومي فؤاد كمل في محل السمك اللي كان شغال فيه في الثانوية، وبعدها دخل الجامعة، ورغم إنه كان قسم جرافيك بس اشتغل في مجال الترميم وكان أخصائي في قطاع الفنون التشكيلية لوزارة الثقافة، مش بس كده ده كمان فضل شغال فيها فترة كبيرة لحد ما بقى موظف وكان بياخد وقتها حوالي 125 جنيه لما كان بعقد، ولما كان شغال من غير عقد كان بياخد 250 جنيه.

استرابة: أول بداية لبيومي فؤاد في التمثيل
في سنة تالتة جامعة بدأ بيومي فؤاد لأنه تخصص في قسم الصوت في أداء أدوار الدوبلاج، وعشان كده الناس سموه مربي لأنه كان من الناس القديمة في التمثيل، ومن بعدها بدأ بقى يخش المسرح ويقدم أدوار كتير.

حنفية بيومي فؤاد

بيومي لما بدأ يحط رجله على سلم الشهرة الناس قالوا عنه إنك تفتح الحنفية تلاقي بيومي فؤاد من كتر الأدوار اللي كان بيقدمها في الوقت ده؛ لدرجة إن في ناس كتير قالوا له ما تسيب بقى شغلانة الترميم دي يا أخي وتكتفي بالتمثيل ما انت بقيت مشهور أهو، وكان رده وقتها إنه مش هيسيب الشغلانة دي بس خد منها إجازة بدون مرتب عشان لو حد ضايقه في التمثيل يرجع تاني للترميم.

المهم بقى إنه كان في الوقت ده بيومي كان بيومي فؤاد بيطلع في أدوار رئيسية زي مثلا فيلم رقم قومي وفيلم أوشن 14، وغيرها كتير من الأدوار الرئيسية.

أعمال بيومي فؤاد الدرامية

شارك بيومي كمان في أعمال درامية وكان بيقدم فيها أدوار رئيسية مش ضيف شرف، واللي منها مسلسل راجل وست ستات 2، وفؤش، يوميات زوجة مفروسة أوي.

وكمان لما طلع في مسلسل خلي بالك من زيزي في رمضان 2021 واللي قام فيها بدور أبو الفنانة أمينة خليل وإزاي إن الراجل لما بيطلع على المعاش بيبقى اهتمامته في البيت مختلفة عشان مبقاش وراه شغل.

مش بس كده ده كمان جسد دور الراجل اللي زهقان من الدنيا كلها بسبب إنه بقى قاعد في البيت فيتخانق مع زوجته شوية ويشد مع بنته شويتين، ويلعب مع عيال أقارب زوجته وغيرهم.

دراما رمضان 2023 تغلق حنفية بيومي فؤاد

بيومي فؤاد بقى في الماراثون بتاع رمضان السنة دي الحنفية اللي كنا بنفتحها بنلاقيه نازل منها اتقفلت، وده عشان إنه ظهر في 4 مسلسلات وهي جعفر العمدة وسره الباتع، وصراع الفصول، ورمضان كريم 2، بأدوار شرف مش رئيسية.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى