ياسمين عز الملقبة بالمذيعة الحسناء إللي اسمها تصدر دايما التريند بسبب آرائها المختلفة والمثيرة للجدل، ده بجانب تصرفاتها مع ضيوف الحلقة وأبرزهم محمد أبو جبل حارس الزمالك، بس ياسمين أتصدرت التريند بس المرة دي بصورها بتاعت زمان إللي مش هتصدق إنها هيه، بسبب ملامحها إللي أتغيرت بعد الشهرة والفلوس، تعالوا بينا نشوف ياسمين عز كان شكلها عامل إزاي وقت الكحرتة قبل الشهرة.
ياسمين عز في فترة صغيرة أوي نجحت في إنها تبقى موجودة على الساحة الإعلامية بسبب آرائها المثيرة للجدل، وكمان جمالها وأناقتها لعبت دول كبير في الوصول إلى الجمهور بشكل كبير، ده بسبب نشرها لصورها على حسابها الشخصي على الانستجرام.
وخلال الساعات إللي انتشرت مجموعة من الصور للإعلامية ياسمين عز في بداياتها من 11 سنة، وإللي ظهرت فيها بملامح وإطلالة مختلفة عن إللي بتظهر به في الفترة دي، وده إللي خالي كل المتابعين تتكلم عن إنها عملية عمليات تجميل كتيرة أوي علشان تكون بالشكل ده.
وبدأت التعليقات والكوميكس على صور الإعلامية ياسمين عز قبل الشهرة وبعدها، وفي ناس كتير أوي ما قدرتش تتعرف عليها بسبب ملامحها المتغيرة بشكل كبير أوي عن دلوقتي، طب تعالوا بينا نعرف مين هي ياسمين عز؟!.
ياسمين عز من مواليد 1988 عمرها حوالي 33 سنة، تعمل دلوقتي في مجموعة قنوات إم بي سي، وكان لها تجربة في التمثيل في مسلسل بره الدنيا مع المخرج مجدي أبو عميرة إللي رشحها للعمل.
بس ياسمين عز كان هدفها الأساسي هو مجال الميديا، شاركت سنة 2011 في تقديم برنامج منوعات باسم عز الشباب على قناة روتانا مصر، واستمرت فيه لمدة 3 سنوات لغاية ما موسمه انتهى.
بعد كدا راحت ياسمين عز لمجموعة إم بي سي، وكان أول ظهور لها في برنامج صباحك مصري إللي كان بيعرض على شاشة MBC مصر 2 مع المذيع هشام عاصي، ولما حققت نجاح كبير أسندت إليها القناة تقديم برنامج حديث المساء، كمان قدمت حفل شبكة قناة MBC، الخاص بعيد تحرير سيناء في أبريل 2020، وكمان قدمت برنامج كلام الناس إللي قدمت فيه شخصيات مؤثرة والمعروفة في المجتمع، سواء من الفنانين أو رجال الدين، وحقق البرنامج شهرة واسعة في الأوساط الإعلامية وعلى منصات التواصل، وده علشان أسلوبها وإطلالتها الجذابة.
بس ياسمين عز عرفت خلال الفترة إللي فاتت بإنها مثيرة للجدل بسبب كلامها وآرائها ومواقفها مع الرجالة، ومنها نصائحها للست المتجوزة علشان تكسب رضى جوزها قالت لها المركب إللي ليها ريسين بتغرق، لازم قبل ما تتجوزي تكوني عارفة إن رئيس المركب هو جوزك وإن الكلمة الأولى والأخيرة تكون ليه.
وكمان قالت للست المتجوزة إيه المشكلة لما تكون حماة جوزك يكون معها مفتاح شقتك لأنها مثل أمك الثانية، إنتي اتجوزتى ابنها وهي زي أمك إيه المشكلة لما يكون معها مفتاح شقتك، وكمان قولي حاضر ونعم هي بتريح، وسيبيها تفتش دولابك هي مش هتشوف لبس ليلى علوي، وحماتك هتشيل البيت واستفيدي انه يكون معاها مفتاح شقتك.
وكمان قالت اقفلي على بيتك ومتسمعيش كلام حد مشاكلكم حلوها بينكم وبين بعض بأكله حلوة أو كلمتين حلوين، والراجل لازم يحتوى مراته ويطبطب عليها علشان هتلاقيها في ضهرك أرجل راجل، حبها وخليك حنين عليها وشيلها في عينيك العمر كله.
وعن تريند الست مش ملزمة، قالت إيه إللي يضايقك إن واحدة تحب جوزها وتعبر عن حبها له بالطريقة دي، هو عيب إن الست تبوس إيد زوجها؟، ليه لما الراجل هو إللي يبوس إيد مراته نقول عليها إنها طريقة شيك، بس لو العكس تبقى مش ملزمة وكارثة.
مين ينسى لما استضافت محمد أبو جبل حارس الزمالك، وفضلت تتغزل فيه وتقوله أنت مورد وخدودك حمرا، وطلبت منه وقتها إنه يغني، ونجحت في إنها تتصدر التريند لفترة طويل بالطرق دي.
وفي النهاية، ننتظر من حضراتكم تعليقاتكم على تغيير ملامح الإعلامية ياسمين عز عن بداياتها من 11 سنة.
