آخر الأخبار

قرار عاجل للمصريين والوافدين بالكويت وتفاصيل حظر العمل فى الأماكن المفتوحة

تحذيرات وقرارت جديدة أتخذتها الكويت مهمة جدا للمصريين والوافدين الساعات اللى فاتت وخاصة بالعمل فى الكويت!.. ومش بالضروة لما نقول قرارات إنها تكون ضد المغتربين المصريين بالعكس.. أحيانا كتير بتكون لصالح المغترب،ولمصلحته وحفاظا على صحته،وفى نفس الوقت الدولة بتستفيد! زى القرار الأخير بحظر العمل فى الأماكن المكشوفة!

ياترى إيه طبيعة القرار ده؟وإيه الهدف منه؟وهل هو هيكون فى صالح العمالة المصرية والوافدة ولا ضدهم؟المفاجأة إنه مش أول مرة الكويت تطبق القرار ده ، تقريبا كل سنة فى نفس المعاد والسبب بسيط جدا ..إعرف التفاصيل وهيطبق من إمتى علشان متقعش فى المحظور!والعقوبة ساعتها هتكون صارمة!

الساعات اللى فاتت إنتشرت الأخبار إن الكويت هتطيق قرار بحظر العمل فى الأماكن المكشوفة ،والحقيقة إن الموضوع مش مفتوح ولكن له ضوابط وتحذيرات مهمة، وده حسب ما نشره موقع اليوم السابع .

كل الحكاية إن الهيئة العامة للقوى العاملة بالكويت، أعلنت عن بدء سريان حظر العمل بالأماكن المكشوفة ،وده هيكون من أول يونيو وحتى نهاية أغسطس الجاى ،وتحديدا هيكون الحظر ده فى أوقات معينة من 11 الصبح ولحد 4 العصر، وده وفقلا للى نشرته الأنباء الكويتية، وده طبعا فى صالح العمالة الوافدة جدا، بسبب حرارة الصيف العالية والشمس فحفاظا على سلامة العمالة بياخدوا القرار ده، وكلنا عارفين واللى عايشين فى الكويت عارفين درجة الحرارة عالية إزاى هناك!

وخلى بالك إن هيكون الهدف من القرار تنظيم ساعات العمل مش تخفيف الساعات “يعنى عدد الساعات اللى بتشتغلهم هم هم بس مش هيكونوا من 11 ل4″قبل 11 أو بعد 4،ودى تقدر تظبتها مع صاحب العمل ،أو حسب ما يكون طبيعة شغلك إما فى ساعات الصبح الأولى أو المساء..لما الجو يكون هدى شوية والحرارة الشديدة قلت!

طبعا القرار ده للى شغالين فى الأماكن المكشوفة بس،والأماكن المظلّلة غير المزودة بوسائل التهوية المناسبة،لكن اللى قاعد على مكتب وفى تكيف ..مواعيده زى ما هى ! مفيش تغيير فيها إطلاقا!
ويلزم القرار الشركات والمؤسسات اللى عندها مواقع عمل تحت أشعة الشمس المباشرة، بأنهم يعملوا جدول في مكان ظاهر يسهل على جميع العمال الاطلاع عليه، بتحديد ساعات العمل اليومية، طبقًا لأحكام القرار المذكور.

الهيئة أكدت كمان أن هيكون فى فرق تفتيش بمتابعة تنفيذ قرار الحظر ،وهتكون حملات التفتيش دى مفاجئة على مواقع العمل في الأماكن المكشوفة لرصد المخالفات واتخاذ الإجراءات القانونية بحق المخالفين.. فصحاب العمل يكونوا رحماء بالعمال من نفسهم بغض النظر عن العقوبة أو الإجراء اللى ممكن يتم ضدهم فى حالة مخالفتهم القرار .

يعنى يكونوا بيعملوا كده مش خوف من العقوبة فى المقام الأول..حياة الإنسان أهم وأغلى من أى فلوس! وطبعا ده الهدف الأساسى من القرار، حماية العمالة من أضرار العمل في ساعات ارتفاع الحرارة الشديدة خلال أشهر الصيف.

ولو على صاحب العمل مش هيخسر ولا شغله هيتأثر..عدد الساعات اللى هيشتغلها العامل هى هى والشغل هيمشى زى ما كان ويمكن أحسن كمان ..لإن هيكون العامل مرتاح وحاسس بالتقدير من صاحب العمل ومن الحكومة الكويتية!

والحقيقة ده مش قرار جديد من نوعه ،وكل اللى شغالين فى الكويت عارفين إنه بيحصل كل سنة فى نفس التوقيت من الصيف ،و تنفيذ الإجراءات السنوية دى انطلاقًا من حرص الوزارة على ضمان صحة وسلامة العمال في بيئة العمل، مع مراعاة توفير معدات العمل بأفضل مقاييس السلامة والصحة المهنية.

مدير عام الهيئة اكد أن تطبيق القرار خلال السنين اللى فاتت لاقى استحسان وقبول العديد من الشركات وجاء مراعيا للصالح العام ومتوافقا مع التزامات الكويت بتطبيق معايير العمل الدولية، وتنفيذه يعني التزام أصحاب العمل بضمان صحة وسلامة العاملين لديهم.

وبعد كل فترة من كل سنة وزارة العمل بتعمل الإحصائيات والحقيقة زى ما بيكون فى ناس ملتزمة ومقدرة اللى شغالين معاهم ..فى ناس بردوا مبتفكرش غير فى مصالحهم وبيخالفوا القرار،ووفقاً للمادة (192) من قانون العمل في القطاع الأهلي الصادر بالقانون رقم (36) لسنة 2012، واللى تنص على أنه يعاقب كل من يخالف أياً من أحكام الباب (15) والقرارات الصادرة تنفيذاً له بالحبس مدة لا تزيد على 3 شهور و بالغرامة متقلش عن 500 دينار، ولا ومتزدش عن ألف دينار أو بإحدى العقوبتين.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى