البحث عن فرصة عمل خارج مصر حلم ناس كثيرة لكن للأسف يحتاج إجراءات كثير ةجدًا وعقد عمل أو كفيل لكي تستطيع من خلاله تسافر وهذه عقبة تقابل ناس كثيرة.
لكن الإمارات حلتهالك وده لأنها أصدرت نوع جديد من التأشيرات للباحثين عن فرصة شغل فيها، بس السؤال هنا إيه تفاصيل التأشيرة دي؟ وإيه الأوراق المطلوبة عشان تقدم عليها؟ ورسومها قد إيه؟ وإيه هي شروطها؟
ناس كتير بتحلم أنها تلاقي فرصة شغل بره مصر زي السعودية و الإمارات بس للأسف الموضوع بيكون صعب لأنه بيحتاج إجراءات كتير أوي زي عقد عمل أو كفيل عشان تقدر تسافر
بس أنت دلوقتي تقدر تسافر بكل سهولة للإمارات وده عشان أصدرت نوع جديد من التأشيرات في الفترة الأخيرة تقدر من خلالها تدخل الإمارات بكل سهولة
التأشيرة دي فيزا البحث عن عمل بس يا ترا إيه تفاصيلها؟أنا هقولك، الإمارات أصدرت التأشيرة دي عشان تسمح بدخول الباحثين عن عمل في الإمارات لمدة معينة
وبحسب موقع الهيئة الاتحادية للهوية والجنسية في الإمارات، التأشيرة بتستهدف جذب أصحاب المواهب و المهارات من كل دول العالم عشان تطور سوق العمل و الاقتصاد في الإمارات
وده بدل ما يلجأوا للتأشيرة السياحية اللي بتطلب شروط كتير أوي منها أن يكون عندك حساب بنكي بمبلغ معين وده بيكون عقبة قدام كتير
بس السؤال هنا إيه مزايا التأشيرة دي؟بص يا سيدي أهم ميزة في التأشيرة أنها مش بتطلب ضامن أو كفيل وده بعكس معظم التأشيرات والإقامات في الإمارات اللي بتطلب ضامن
لكن بعد ما اللي خد التأشيرة يلاقي شغل الشركة اللي بيشتغل فيها بتكفله وبتخلص إجراءات الإقامة ليه
كمان من ضمن مميزتها إنها متاحة بفترات صلاحية مختلفة وهي 60 يوم و90 يوم و120 يوم يعني أقصى مدة 4 شهور تقريبا ودي فترة كافية لأي حد عشان يلاقي شغل مناسب
شروط التأشيرة
الإمارات أعلنت بوضوح شروط إصدار التأشيرة واللي منها إن المتقدم يكون من خريج أفضل 500 جامعة في العالم حسب التصنيف الدولي المعتمد عند الإمارات.
وكمان ميكنش مر على تخرج المتقدم أكتر من سنتين ويكون الحد الأدنى للمستوى التعليمي شهادة بكالوريوس أو ما يعادلها
ولو شرط الجامعة مش متوفر عندك، لازم تكون من فئة العمالة الماهرة في المستوى الأول أو التاني أو التالت حسب تصنيف المهن المعتمد من وزارة الموارد البشريةو التوطين في الإمارات.
وعشان تبقى عارف الوظايف في الإمارات متقسمة ل9 مستويات:
المستوى الأول للمشرعين والمديرين ومديرين الأعمال
والمستوى التاني هم الاختصاصيين في المواضيع العلمية والفنية والإنسانية
والمستوى التالت هم الفنيين في المواضيع العلمية والفنية والإنسانية
وهي دي الوظايف المسموح ليها بإصدار فيزا البحث عن عمل، أما باقي المهن في المستويات الباقية التأشيرة مش هتكون مناسبة ليهم وده زي المهن الكتابية ومهن الخدمات والبيع وعمال الزراعة وصيد الأسماك والثروة الحيوانية والحرفيين في البناء ومشغلين الآلات
أما اخر شرط بقى فهو تقديم الضمان المالي المطلوب لإصدار التأشيرة، وده بيوصل إلى 1025 درهم.طيب إيه الأوراق المطلوبة عشان يتم إصدار التأشيرة؟
الأوراق المطلوبة عشان التأشيرة هي جواز السفر وصور شخصية ملونة وشهادة بكالريوس، وطبعا تكلفة كل تأشيرة بتختلف حسب مدتها لكن عموما في ريوم ثابتة ومنها الضمان المالي اللي قيمته 1025 درهم
ودلوقتي قولنا رأيك في تأشيرة البحث عن عمل؟
