لن تتخيل من هو؟..الإعلامي الناقص في صورة ساويرس يظهر ويرد

كلنا تابعنا الساعات الماضية، حالة الجدل اللى كانت مكتسحة السوشيال ميديا،بسبب الصورة التى نشرها نجيب ساويرس على تويتر،والتى سببت أكيد غضب بالنسبة لكثير من الرموز الإعلامية الموجودة فى الصورة.

لكن السؤال اللى حير الجماهير،إيه اللى خلى ساويرس يقلب عليهم كده فجأة ؟وليه ده كان رد فعل عمرو أديب وليه احمد موسي قاله كده؟وياترى مين الأعلامى اللى الصورة مش هتكمل إلا به؟ تفاصيل كثيرة وأسرار ستعرفوها لأول مرة عن كل أطراف الخناقة يلا بينا .

الجمهور ساب كل الخناقة وكل الموضوع وبدأوا يدورا مين الإعلامى اللى الصورة مش هتكمل إلا به؟ لما ساويرس أعاد نشرتويته من حد إسمه أسامة سعد شحتة، والصورة دى كان فيها عمرو أديب ومعاه 5 أعلاميين تانيين وهم أحمد موسى، مصطفى بكري، محمد الباز، معتز بالله عبد الفتاح، تامر أمين.

الغريب إن الصورة دى متعدل فيها ومحطوط وش كل أعلامى على جسم حد تانى وهو ماسك طبلة وشكلهم أشبه بالفرفة كده.
وكتب ساويرس على الصورة فيه واحد ناقص،وزى ما يكون ده إتهام للإعلاميين دول بالتطبيل لبعض القضايا اللى بيعرضوها أو للمحتوى اللى بيقدموه.

أيوة مين الإعلامى اللى ناقص؟ اللى ناقص من الصورة ومحتارين بين إتنين يوسف الحسينى ولا نشأت الديهى ..لحد ما ظهر حد من رموز الإعلام فى مصر ورد على ساويرس وقاله طبعا إنت يا نجيب اللى ناقص .هوب هوب مش كده يا أستاذ نشأت لا أكيد تقصد إنه كان الأفضل يكون مطبلاتى معاكوا فى الصورة صح؟

طبعا اللى قال كده هو الإعلامى نشأت الديهى،و الجمهور قال اللى على راسه باطحة،لما إنت مش موجود فى الصورة بترد ليه؟ واقف جنب أبناء كارك يعنى؟لا إنتو أصلا بتاكلوا فى بعض ولا أدعى على إبنى وأكره اللى يقول أمين،وانا وبن عمى على الغريب؟

بس هو ساويرس من إمتى بقى غريب؟ده إنتو دافنينه سوا وسركوا كلكوا كان مع بعض لحد ما الخناقة دى حصلت واللعب بقى عينى عينك وكله على عينك ياتاجر.

تفتكروا إيه اللى يخلى الديهى يظهر ويقول كده؟ لو مش هو الشخص المقصود،ولا ممكن يكون فى أسباب تانية ؟

الحقيقة إن الخلافات بين ساويرس وعمرو أديب مفيش أكتر منها وكلها على السوشيال ميديا بيغنوا ويردوا على بعض أخرها مثلا كان بعد واقعة كنيسة أبي سيفين في إمبابة، ووقتها عمرو هاجم ساويرس، لانه كان بيحاول ينشر الفتنة فى البلد.

وكتب نجيب ساعتها على تويتر لا انه مش هيكتب أي تعزية غير لما يعرف باقي تفاصل الحادث، اللي كلنا عارفين مين اللي عملها، وربنا هو المنتقم وهو اللي هيجيب حق الى رحلوا.

فعمرو رد فى برنامجه وقال انه مقدر مشاعر كل المصريين، وخاصة مشاعر إخواننا المسيحيين، ولكن المهندس نجيب ساويرس كاتب تويتة فيها جمل، مش فاهمها، ولكن الواضح أن القصد مش سهل، ويظهر كدا انه عارف حاجة احنا مش عارفينها.

نجيب مش ناوى يجيبها لبر ده حتى بيسخر من قرارات الحكومة ، ويمكن لا ده أكيد هو السبب فى الخلاف بينه وبين الإعلاميين بسبب إنتقاده لقرارات الحكومة والعكس من الإعلاميين تشجيع لأى قرارات للحكومة ،علشان كده أعاد نشر الصورة دى وعلق التعليق ده؟

ساويرس اتريق الفترة الأخيرة على قرار الحكومة فى موضوع التسعيرة الجبرية وعلق على تصريحات الدكتور علي المصيلحي، وزير التموين والتجارة الداخلية، بشأن إمكانية وضع تسعيرة جبرية على السلع لمدة محددة وقال إن التسعيرة الجبرية تشجع على إخفاء السلع وزيادة التهريب والسوق السوداء.

وإن الأسلوب ده عفا عليها الزمن وهي أساليب منجحتش زمان تنجح زمان ومش هتنجح والتجار هتخزن السلع علشان مش تقتنع مقتنعة بالسعر اللى هتفرضه الحكومة.
تطبيق التسعيرة الجبرية كان على أيام عبد الناصر والاشتراكية وتطبيقها مش هيفيد وكان غيرك أشطر حتى في وقت الأزمات مش مطلوب تطبيقها والحل عندك فيه بضائع مرمية في الجمارك ومش سايب الناس تدخل السلع.

طبعا كل الإعلاميين دول مع الدولة وموافقين على كل قرار تاخده الحكومة فى أى وقت أزمات أو غيره ،ويمكن ده سبب خلى ساويرس يستفز وينشر صورة زى دى،تفتكروا ده السبب ولا فى أسباب خفية شخصية بينهم؟