فيفي عبده فنانة تتصدر التريند بصورة مستمرة من خلال فيديوهات الرقص التي تشارك بها متابعيها عبر السوشيال ميديا ودائما تثير الجدل بتصريحاتها الصريحة اوالجريئة، وهو ما تحدثت عنه وكشفت سر هذه الفيديوهات، ولمعرفة ما قالته عن الأمر تابعونا في التقرير التالي:
فيفي عبده طول السنة بتعيد على الجمهور صباحا ومساءا ،بذمتك إنت حسيت بغيابها ليوم واحد؟ ده لو غابت ساعة واحدة عن الجمهور دماغه تروح وتيجى وبتكون إتعرضت لأزمة صحية وتطلع تحكى للجمهور اللى حصل، ماهى فوفا بقى بساطها أحمدى خالص .
المهم يا جماعة إنها فى أخر تصريح قالت إنها سر ظهورها على السوشيال ميديا بالفيديوهات وهى بترقص علشان توصل رسالة للجمهو ، إستنوا متفهموش غلط توصل رسالة يعنى تقولهم أنا أهو ، وإن الناس تعرف إنها وافقة على رجليها ، الجمهور مش محتاج يعرف ده إنتى يا أرض اتهدى ما عليكى قدى يا فنانة .
فيفى تسكت لا طبعا قالت فى لايف على حسابها الشخصى قالت إنها هتفضل تظهر حتى لو طالعة بتتمشى كده بس أمال إنت فاكر إيه ، هى يعنى مش مطلوب منها تهد السد ،×المذيعة ترفع أيديها* وتقول هى اللى قالت كده .
فيفي قالت كمان إنها جاية الدنيا تتدلع وبتعمل كل حاجة بقلبها ، وإنها معاشتش طفولتها المذيعة هنا تتنح أوى وتقول طفولتها؟ لا إستنوا وكمان وهتعيشها دلوقتى بالطول والعرض.
مش بس كده قالت إنها فى فيديوهات نشرتها كانت راضية عنها وفى رقصات مكنتش مستعده لها والسبب تفتكروا فى إيه ؟ الولد اللى بيشغل السماعة بيحط أى أعنية وإنها لازم تلحق النهار والشمس ، وأكدت إن ده مش أسلوبها فى الرقصات خاص لكن بتعمل اللى بيليق عى الأغنية مش أكتر .، ×بس الجمهور بيفاجئها وهى مبتحبش تزعل الجمهور طبعا أمال*
*بتريقة طبعا المذيعة تقول: أصله كل بالمواعيد الصبح على البحر وبليل فيديوهات من البيت جدولة ،مفيش بعد كده ؟
مفيش ست يتشوفها إلا وتحقد عليها ، ده إحنا لما نرجع من أى مناسبة بيكون مهدود حيلنا من الكعب العالى إزاى بترقصى به
إنما فيفى عبده غير مفيش فيديو ليها إلا وكانت لابسة كعب قد كده وقالت إنها بترتاح فى الكعب العالى،
بتترتاح فى الكعب العالى ؟ شوفوا بقى من قركوا عليها لما بتتفرج على نفسها بتستغرب إزاى إنها موقعتش فى المية ما هى لازم تطور من أدائها أمال أنت فاكر إيه ؟
بخصوص القر بتاع بعض الستات وعينهم الراشقة فى حياة فيفى عبده طبعا فى جمهور مبسوط بها ومؤيد لها علشان خفة دمها وفيديوهاتها العفوية الخفيفة.
فيفى عبده من أكتر الفنانات الى بتخاف من الحسد والعين وحت كتير فى حوارات لها عن الموضوع ده طول مشوارها الفنى ، وقالت إنها إسنخدمت كل حاجة علشان تمنع الحسد لها ، ولكن نفيش فايدة ، ده حتى اللون الأزرق مبقاش ينفع معاه
لدرجة إنها قالت تصوروا أحيانا ببقى عايزة أقرأ قرآن فى وش اللى بيكلمنى ألاقى لسانى وقف ومعرفش أقرأ قرآن.
ياترى إنتو شايفين إن فيفى عبده وكل الأزمات الصحية اللى مرت بها ممكن تكون محسودة؟ ولا دى مجرد وساوس جواها مش أكتر ؟ وهل ممكن نشوف فيفى عبده فى أعمال غير رمضان ولا هتكتفى بس بفيديوهات السوشيال ميديا ؟ شاركونا فى التعليقات.
