أسرار خناقة هنا الزاهد وشيماء سيف ..ما قالته الأخيرة صدم الجميع

هنا الزاهد تعيش مشكلة جديدة مع أقرب صديقة لها في الوسط الفني الفنانة شيماء سيف، ويبدوا أن علاقتهم لن تعود كما كانت ولن يتشاركوا في أعمال فنية قادمة.

وفي التقرير اللي معايا ده هقولكم أسرار الخناقة إياها ومين كان السبب وراها.. وإيه حكاية الارتباط إياه اللي كان بين هنا الزاهد والمنتج هشام جمال قبل ما تتجوز أحمد فهمي.. يلا بينا.

هنا الزاهد مش مكفيها الخناقات العائلية مشكلتها مع عيلة جوزها والبلوكات والحركات الضيقة دي وعملت كمان مشكلة وضربت خناقة مع الفنانة شيماء سيف اللي قالت عنها إنها مكانتش مصدقة إن اللي حصل بينهم يحصل أصلًا.. ده حتى في طرف تالت في الموضوع هو السرْ ورا الخناقة دي والغريبة بقى حكاية الارتباط اللي محدش كان يتوقعها أصلًا وطبعًا دي حاجة أول مرة هتسمعوها عشان محدش اتكلم عن حد في حياة هنا الزاهد غير الفنان أحمد فهمي اللي هو جوزها دلوقتي وأكبر منها بـ15 سنة كده.

الفنانة الكيوت مش كيوت خالص

تقريبًا كده الفنانة الكيوت طلعت مش كيوت خالص.. واللي الجمهور يعرفه عن الفنانة هنا الزاهد إنها جميلة وشكلها حلو وكيوت أو باربي كده زي ما كانت عروسة في فرحها.. لكن الحقيقة بقى عكس كده وفي شخصية تانية مستخبية جواها عرف عصبي كده بيطلع وقت ما تحب تطلعه وتقلب على حد وعادي جدًا بتتعامل ومش فارق معاها حاجة.

لكن خلينا نقول إنها على مستوى الشغل بتمثل حلو وبتشتغل على نفسها فعلا واتطورت وليها أعمال فنية كتير الجمهور والنقاد قال عليها إنها بجد شاطرة.

كانوا أقرب اتنين لبعض

الفنانة شيماء سيف وهنا الزاهد كانوا أقرب اتنين لبعض وصراحة شيماء تتحب ودمها خفيف وروحها حلوة جدًا وهي ليها صديقات كتير قريبين ليها زي الفنانة دنيا سمير غانم.

طبعًا هنا وشيماء كانوا مبهدلين الدنيا صور وستوريهات وبيروحوا الأفراح سوا وكل حاجة بيعملوها مع بعض بس فجأة الاتنين عملوا لبعض (أنفولو) حركة ضيقة بردوا ومسحوا كل صورهم مع بعض والعلاقة اتقطعت خلاص ولا في حد اتدخل يصالحهم ولا غير.. طيب إيه السبب اللي خلاهم يعملوا كده وإيه السرْ ورا اللي حصل؟.

ارتباط هنا الزاهد

تقريبًا كده قبل ما هنا وشيماء يقاطعوا بعض كانت هنا الزاهد والمنتج هشام جمال مرتبطين.. خروجات كتير مع بعض وصور متعدش مع بعض حاجة كده زي اللي بيحصل مع الفنانة ليلى زاهر دلوقتي.. المهم في ناس كده بتقول إن لما شيماء لقت هشام جمال وهنا الزاهد قريبين من بعض ومرتبطين جدًا قطع علاقتها بالفنانة هنا الزاهد بس ده مش صح.. آه كمان هنا محضرتش فرح شيماء سيف وده عشان هشام جمال كان لسه محافظ على صداقته بشيماء وحضر فرحها.

أسرار الخناقة

اللي يلاحظ هيلاقي شيماء سيف طلعت في برنامج تلفزيوني قالت فيه إنها اتعرضت للخيانة من أقرب صاحبة ليها وإنها سمعت صاحبتها بتتكلم عنها وحش جدًا في فويس نوت ووقتها قالت لصاحبتها إنتي عاملة كيوت وطيبة قدام الناس بس إنتي هتتكشفي قدام كل الناس.. وطبعًا محدش كان قريب من شيماء سيف وكيوت غير هنا الزاهد.