تحدثت الفنانة غادة عبد الرازق عن طبيعة مشاعرها خلال الفترة الأخيرة، مؤكدة أنها أصبحت أكثر حساسية وتأثرا بالكلام والمواقف، وأن دمعتها باتت قريبة، رغم أنها لم تكن كذلك في السابق وكانت تستطيع التحكم في مشاعرها بشكل أكبر.
وقالت غادة عبد الرازق، خلال تصريحات تليفزيونية: أنا حساسة جدا في الكلام وممكن دمعتي تبقى قريبة، وبقالي فترة بقيت حساسة زيادة عن اللزوم، وأنا مكنتش كدة وكنت بعمل كنترول، وبمجرد السؤال حسيت عاوزة أعيط.
وأضافت أنها أصبحت تعاني من حالة من التوتر والخوف والتفكير المستمر، موضحة: بقى عندي حساسية وتوتر وخوف وتفكير متواصل مش عارفة أوقفه، وعدم استمتاع باللحظة.
تصريحات غادة عبد الرازق
وأشارت غادة عبد الرازق إلى أنها كانت تتوقع أن بعض هذه المشاعر ستتراجع مع التقدم في العمر، إلا أنها فوجئت بحدوث العكس، قائلة: حاجات كنت ممكن تتخيل لما تكبر في السن هتتشال وطلع العكس، كل ما بتكبر بيزيد مش بيقل.
وتابعت حديثها عن محاولاتها البحث عن الهدوء والراحة النفسية، قائلة: ببقى نفسي أسأل الناس خريطة بالك وراحتك إزاي، وأكيد هيقولي الإيمان، وأنا عندي ده، ولكن ساعات الحتة دي بتهرب مني وبرجع ليها بسرعة.
كما كشفت غادة عبد الرازق عن معاناتها من جلد الذات والتفكير المستمر في مواقفها السابقة، موضحة: عندي جلد ذات مستمر، وبقيت أفكر نفسي بحاجات عملتها وأقول ليه عملت كده؟ وليه ردي كان كده؟ وبقيت قلوقة وبترعب من بكرة.
وأكدت في ختام حديثها أنها تحاول العمل على نفسها والتعامل مع هذه المشاعر، مشيرة إلى أنها لا تحب أن تنقل قلقها أو تؤثر به على الأشخاص المحيطين بها، قائلة: بحاول أشتغل على روحي ومش بحب أقلق الناس اللي حواليا.
