بنك عالمي يصنف مصر ضمن أغنى دول في العالم..لن تتخيل ترتيبها

هل نحن دولة غنيه أم دولة فقيرة؟ قبل ما تجيب على هذا السؤال ، دعوني أقول لكم أنه يوجد 3 دول عربية يعتبروا من أغنى 10 دول في العالم.

والمفاجأة إن مصر ضمن الـ 3 دول دول، وده مش كلامنا ده تقرير من بنك عالمي كشف لينا عن ثروة مصر واللي تخطت الـ 1.5 ترليون دولار، طيب إزاي الكلام ده وهل كده احنا بنتصنف كدولة غنيه؟

في تقرير حديث نشره موقع “Insider Monkey” واللي كان بيعتمد على بيانات لتقرير بنك “كريدي سويس” العالمي كان بيتكلم عن ثروات الأمم الصادر في عام 2022.

وظهر في التقرير ده إن في 3 دول عربية بيتصدروا مرتبة متقدمة في ترتيب الدول الغنية من حيث الثروة.وطبعا التقرير ده أخد في اعتباره وتيرة بناء الثروات في الدول الناشئة بالمقارنة ما بينها وبين الدول المتقدمه

والأكيد إن ترتيب الدول من حيث الثروة بيختلف كتير عن ترتيب الدول من حيث الناتج المحلي.وده لأنه فـ التقرير كان بيلقي الضوء على مؤشر مهم جدا وهو جودة المعيشة.

وده معناه إنه مش بالضرورة لو دخلك منخفض تبقى جودة حياتك قليلة خاصة إن في دول كتير بتتناسب فيها الأسعار مع الدخول بشكل كبير.

وكانت المملكة العربية السعودية في المركز 24 عالمياً، مع صافي ثروة تقدر بـ 2.07 تريليون دولار بزيادة 144% عن الاحصائية اللي اتعملت في 2010.

أما الإمارات فكانت في المرتبة 37 عالمياً، من حيث صافي الثروة والبالغة 994 مليار دولار، والمفاجأة إن التقرير اعتبر “مصر”، واحدة من أغنى دول العالم، وصنفها في المرتبة 32 عالمياً بصافي ثروة تزيد على 1.4 تريليون دولار.

هل مصر أصبحت من أغنى دول العالم ؟

أيوة وده لأن التقرير كان بيركز على صافي الثروة الوطنية، واللي هي عبارة عن القيمة الإجمالية لأصول الدولة مطروح منها التزاماتها، وكمان بيقيس صافي الثروة الجماعية لسكان الدولة في وقت معين.

طيب هل الكلام ده في مصلحتنا ومعناه إيه؟

هقولك ياسيدي، حسب التقرير اللي نشره موقع العربية فـ المقياس اللي مبني عليه تقرير موقع “Insider Monkey” بيعرفك قدر أي بلد على تحمل الديون والحفاظ على الأنفاق

وده لأنه كان شايف إنها بتتأثر بعوامل مختلفة زي أسعار العقارات وسوق الأسهم وأسعار الصرف والتركيبة السكنية،
وضيف على كده كمان وجود الموارد البشرية والطبيعية، والموارد، ورأس المال والتقدم التكنولوجى.

أما لو بتسأل عن ترتيب أغنى 10 دول من حيث صافي الثروة فـ المركز الأول كان لـ الولايات المتحدة واللي صافي ثروتها كان 145.8 تريليون دولار.

بعدها الصين بصافي ثروة 85.1 تريليون دولار.بعدهم – اليابان و صافي ثروتها 25.7 تريليون دولار.يليهم ألمانيا وصافي ثروتها 17.5 تريليون دولار.

بعدهم المملكة المتحدة وصافي ثروتها 16.3 تريليون دولار.وفي المرتبة السادسة كانت- فرنسا 16 تريليون دولار.والسابعة الهند 14.2 تريليون دولار.

والتامنة كندا 12.36 تريليون دولار. والتاسعة إيطاليا 11.5 تريليون دولار. أما العاشرة فكانت من نصيب أستراليا بـثروة قيمتها 10.6 تريليون دولار.

قولنا رأيك في التقرير ده وهل شايف إن مصر دولة غنية؟