أحمد العوضي يفاجئ الجمهور بمسابقة جديدة بعد “الشقيانين”

فاجأ الفنان أحمد العوضي جمهوره ومتابعيه بتقديم مسابقة جديدة عقب المسابقة التى أطلقها مؤخرًا وكانت بجوائز مالية تقدر بـ100 ألف جنيه.

وكتب العوضي عبر حسابه الشخصي بموقع “فيسبوك”: إخواتي جاهزين للمسابقة التانية.

 مسابقة أحمد العوضي

وكتب العوضي عبر حسابه الشخصي على “فيس بوك”: جايه معايا النهارده  أفرح اخواتي وأراضيهم زي ما هما مراضييني بحبهم. 

وتابع: هسأل سؤال هختار أربعة اجابتهم صح ويكسبو 100 ألف جنيه كل واحد ربع عمود (25 ألف)، اشهر ٣ كلمات ( للخديوي) واشهر  كلمتين (للكوماندا)، هلم الورق بعد بكره وهختار اربعة عشوائي، عالعهد دايما انا واخواتي الشقيانين الجدعان”.

وفي وقت سابق حل أحمد العوضي ضيفا على برنامج صاحبة السعادة مع الفنانة إسعاد يونس، وقال: “أي مشهد فيه كوميديا بيكون فكرة ياسمين عبد العزيز وأنا بمشي وراها في الكوميديا”.

غيرة أحمد العوضي على ياسمين عبد العزيز

ولفت: “كنت بتخانق وأنا صغير في المدرسة بس اتعلمت حاجة إن أي اتنين بيضربوا بعض بيتهانوا وعلشان كدا كنت بحوش بس في الخناقات، بس أنا لو أنا غِرت على ياسمين عبد العزيز لو حد غتت هتخانق وهنا العقل بيعطل والحمية هي اللي بتسحبني، بس عمري ما أتخانق مع أخويا أصل إحنا اتنين واتخانقت لأخويا وإحنا صغيرين”

وأضاف: “طول الوقت بطلع بقول أنا فخور إني من عين شمس لإن هي دي المنطقة اللي علمتني”.

وفاة والدة أحمد العوضي 

ولفت: “أمي ماتت وأنا صغير كان عندي 9 سنين فأبويا هو اللي رباني أنا وأخويا وعلشان كدا ممكن تكون شخصيتي ناشفة شوية لإني تربية راجل وما كانش فيه أم، اتربينا في بيت بسيط مساحته 60 مترا، ولما جيت اخترت أبقى ممثل أعطاني والدي الحرية أبقى أختار زي ما أنا عايز بس محمل بالتجارب في عين شمس ولغة الشارع وأي حاجة بنجح فيها بنزل آخد صداها من منطقتي وكل أسبوع بروح هناك بس بالليل متأخر شوية، وأنا منتمي لعين شمس علشان الناس اللي هناك، وأنا على الفيس بوك بقول الجمهور دول إخواتي”.