أسرار مثيرة في حياة ساندي التي ظهرت بالبورنص وأثارت الجدل

 

نجد في الفترة الأخيرة أن بعض الفنانات الذين قل ضهورهم أدوارهم في التمثيل أصبحوا يبحثوا على أي شئ يلفت الأنظا إليهم ويحدث ضجةوالناس تتحدث عنهم.

واللي عملته ساندي الساعات اللي فاتت يخلي أي حد يتكلم عنها دي ظهرت بالبورنص يا جدعان .. طبعاً اللي يعمل كده يبقى عاوز يركب التريند.

وساندي مختفية من فترة محدش سمع عنها حاجة لكن حياتها مليانة إثارة يعني الجمهور معرفهاش غير في دور إغراء قدمها فيها المخرج خالد يوسف ده غير إنها أصلا مكانتش ممثلة لأنها بدأت حياتها لعيبة كورة.. في التقرير ده هقولكم حكايات وأسرار في حياة الفنانة التونسية اللي عايشة في مصر ساندي علي.

فترة التحول

الفنانة ساندي علي اسمها الحقيقي عفاف علي الوحيشي ونشأت في أسرة مكونة من 5 أفراد في دولة تونس، وكانت بتمارس لعبة كرة اليد واشتهرت بيها في بلدها، وبعد التخرج من كلية التجارة نقلت حياتها كلها للقاهرة عشان السياحة لكن لهفتها الأضواء وبدأت مشوارها الفني لما عملت دور صغير في فيلم “ملاكي إسكندرية” وبعدها دور تاني في فيلم “ظرف طارق”.

لحد هنا الموضوع عادي لكنها كملت في مشوارها اللي يعتبر مش مليان أعمال فنية لكن وشها بقى معروف للجمهور واتحولت من لاعبة لممثلة ومرجعتش تمارس اللعبة تاني.. وساندي اتولدت يوم 12 فبراير سنة 1981 وليها مشوار طويل مع الأفلام والمسلسلات.

وساندي اتجوزت مرة وكانت خايفة جدا تاخد الخطوة دي في حياتها عشان كانت بتترعب من الجواز لكن خدت الخطوة وقعدت فترة متجوزة بس انفصلت عن جوزها وهي اللي خدت القرار وقالت عشان بنتي تكون نفسيتها أحسن باباها موجود وربما يخليه ليها لكن مش هينفع أنا وهو نعيش مع بعض .. مندمتش على الانفصال بس زعلت عشان أنا اللي أخدت القرار من طرف واحد ويمكن لو كان القرار متبادل كانت الأمور اختلفت بالنسبة لي.

الإغراء وخالد يوسف

بعد الفيلمين اللي قدمتهم ساندي قعدت فترة مش شغالة ويمكن اليأس اتسرب ليها شوية لكنها فصلت متمسكة بالأمل.. لحد ما أعاد اكتشاف موهبتها المخرج خالد يوسف وقدمها في دور إغراء مؤثر في فيلم خيانة مشروعة وفعلا أثبتت في الدور ده إنها عندها موهبة حقيقية ولسه مستمرة في تقديم أعمالها سواء في التلفزيون أو السينما.

ورطة هيفاء وهبي

هيفاء وهبي تعتبر صديقة مقربة من الفنانة ساندي التونسية مبيفوتوش فرصة يتقابلوا فيها إلا ويجمعهم لقاء وفي مرة هيفاء ورطت ساندي مع الجمهور والكل افتكر إنها عايشة قصة حب جديدة بعد انفصالها عن جوزها بسنتين.

وقتها هيفاء وهبي كانت في مصر بتصور فيديو كليب وخدوا صورة مع بعض وساندي كانت لابسة سلسلة في رقبتها ومعاها دبلة والناس قالت دي اتخطبت لكن ساندي نفت كل الكلام ده وقالت دي عملة الليرة وأنا مش مرتبطة وعايشة لبنتي أفاد اللي بتعوضني عن مشاعر الحب وأنا معنديش نقص في حياتي على الأقل الفترة دي يمكن في المستقبل الأمور تتغير.

قصة البورنص

ساندي فاجئت الجمهور بجلسة تصوير جديدة .. وزي ما تقولوا كده تلهف أنظار الجمهور شوية وكانت ساندي علي، بتقضي كام يوم في دبي في فندق “فيرساتشي”، ونشرت على حسابها في”إنستجرام” صور ليها كانت لابسة البورنص وقاعدة في أوضة التوم في الفندق.. الجمهور تفاعل مع الصور جامد جدا وفي اللي قال عليها قمر وملكة جمال وفي اللي قال انتقدها عشان الصور.

ومن أبرز أعمال ساندي التونسية “ظرف طارق” سنة 2006 وفي نفس السنة خيانة مشروعة و ما تيجي نرقص، وفي 2007 قدمت فيلم المش مهندس حسن وخليك في حالك.. ووقفت شوية واشتغلت أزمة شرف في 2009 وريجاتا سنة 2015.

وكانت ظهرت في أفلام ملاكي اسكندرية وحمادة يلعب سنة 2005 وليها أفلام وأعمال درامية كتير منها الحرير المخملي، نونة المأذونة، مملكة الجبل، طعم الحياة الخفافيش، وغيرهم وكان آخر عمل ليها مسلسل بابلو مع حسن الرداد واللي اتعرض موسم دراما رمضان سنة 2022.