جميلة السينما المصرية الفنانة الراحلة ليلى فوزي كان في مفارقات حزينة في حياتها وعاشت أسوأ تلت سنين من عمرها بعد ما فقدت حبيبها الفنان الشهير ورغم انها اتجوزت تلت مرات لكن مقدرتش تحقق اهم حلم في حياتها..
في سنة 1954 التقت ليلى فوزي بالفنان أنور وجدي اللي كان بيحبها ومقدرش يتجوزها بعد رفض أسرتها وطلب منها أنها تسافر معاه في رحلته العلاجية لفرنسا وهناك اتجوزها في القنصلية المصرية.
ليلى فوزي كانت اتجوزت لاول مرة من الفنان والمطرب عزيز عثمان اللي كان أكبر منها بسنين كتيرة وكان صديق لوالدها اللي فضله على أنور وجدي اللي كان وقتها فنان مبتدئ وفقير في بداياته.
حققت ليلى فوزي حلمها بالجواز من الراجل اللي حبته لكن فرحتها ما دامتش بالجواز فاشتد المرض على أنور وجدي وانتهى برحيله في السويد ورجعت ليلى فوزي بجثمانه وحزنت عليه لمدة تلت سنين كانت هي الأسوأ في حياتها وخلال هذه الفترة قبول أي عمل يعرض عليها.
بعد مرور خمس سنين على رحيل أنور وجدي في سنة 1955 اتجوزت ليلى فوزي للمرة التالتة من الإذاعي الشهير جلال معوض، اللي ألقى بيان ثورة يوليو سنة 1952، ثم اشتهر بعد كدة بتقديم الحفلات الغنائية لأم كلثوم، وحفلات الربيع لعبد الحليم حافظ وفريد الأطرش، وكمان الاحتفال بالعيد السنوي ليوليو.
ورغم الزيجات التلاتة لليلى فوزي مقدرتش انها تحقق حلمها بالأمومة فمخلفتش واكتفت بأعمالها الفنية لحد رحيلها في يوم 12 يناير سنة 2005 .
ليلى فوزي تركت ورائها ثروة فنية من الأعمال المتميزة اللي قدمتها ووقفت فيها قدام نجوم كبار مثل فريد الاطرش في فيلم حكاية العمر كله وأحمد مظهر في فيلم الناصر صلاح الدين الذي قدمت فيه دور عمرها.
كما قدمت دور متميز جدا مع نور الشريف في فيلم ضربة شمس وهو الدور اللي ادته بشكل صامت من غير ما تتكلم ولا كلمة وكان دور رئيسة عصابة بتطارد مصور صحفي جسد دوره الفنان نور الشريف.
كما وقفت ليلى فوزي أمام الفنان عمر الشريف في فيلم من أجل امرأة وقدما الموسيقار محمد فوزي في فيلم ليلى بنت الشاطئ.
اشتغلت ليلى فوزي كمان في الدراما التليفزيونية ومن أشهر أعمال مسلسل لما التعلب فات مع محمود مرسي ويحيى الفخراني ومسلسل هوانم جادرن سيتي ومسلسل بوابة الحلواني ومن الذي لا يحب فاطمة وكلها أعمال حققت نجاحات كبيرة.
