قدمت زوجة سعد الصغير، بلاغ رسمي ضده أمام النيابة، تتهمه فيه بتثبيت كاميرات في مسكن الزوجية والسيارة الخاصة بها بدون علمها وذلك لمراقبتها.
ودخلت زوجة سعد الصغير، في نوبة بكاء شديدة أمام رجال المباحث، قائلة:” جوزي سعد الصغير مركب ليا كاميرات في غرفة النوم، وأماكن داخل الشقة ، وانا حابة اقدم بلاغ ضد وعايزة حقي بالقانون”.
أول تحرك عاجل ضد سعد الصغير
وفحصت جهات التحقيق، مقاطع فيديو قدمتها زوجة سعد الصغير، إذ تبين أنه التقطت دون علمها.
من جانبها، قررت أجهزة الأمن، إحالة البلاغ إلى النيابة العامة لمباشرة التحقيقات وسماع أقواله حول الواقعة.
وفي وقت سابق، كشفت الفنانة برلنتي عامر، تفاصيل كشف خيانة زوجها المطرب الشعبي سعد الصغير لها.
حيث قالت برلنتي، خلال لقائها مع الإعلامية مروة صبري، مقدمة برنامج “قعدة ستات” الذي يعرض عبر قناة “اليوم”: “حاجات صعب إنها تتقال.. بيخون كتير أوي.. من شهر 2 اكتشفت بني آدم تاني.. هو كان عندي ونزل كان بيفتح شنطة العربية وبنتي بتقولي مامي بابي فتح شنطة العربية جاب موبايل”.
وأضافت: “هو كان عنده فرح في إسكندرية ورجع فنزلت أشوف بقى إيه الموبايل.. شوفت واحد تاني خالص مش سعد الصغير خالص.. شوفت كتير منهم رانيا دي شوفتها فيه أصلًا رقمين شغالين.. هو معاه 4 أرقام.. أنا عارفة الأربعة.. 2 شغالين و2 لأ.. اكتشفت بلاوي.. بيكلم ستات كتير قولتله فين الوقت طب أمتى أنا استغربت”.
وردًا على الفيديو المتداول لسعد الصغير، وهو يُقبل قدمها وحذائها في حالة سُكر: “آه عملها كتير هو سعد بيغلط وممكن ساعات هو ما كانش سكران خالص.. بس ساعات بيعمل نفسه كإنه واخد حاجة مش عارفة بيبقى عايز يعمل حاجة مثلًا بس عارف إن هي حاجة ممكن تنزل أو تقلل من قيمته فأنت ما تعملهاش م الأول أو محدش أجبرك إنك تعملها.. أنا أجي أعتذر لحد مثلًا أنا غلط في فلان فبعتذر له”.
