فنانة جريئة في كل شئ سواء في ارائها او على الشاشة، لا تخجل من اي شئ.مثيرة للجدل بارائها لدرجة أنها في مرة قالت على نفسها وهي على الهواء انها غاوية مشاكل وبتاعة قضايا، نتكلم عن الفنانة “انتصار” التي انتشرت اخبارها بكثرة على السوشيال ميديا خلال الساعات الماضية
بلاغ نشر الفسق
“انتصار” ليها ازمات كتيرة في حياتها محدش ابدا ينسى حكاية البلاغ اللي كانت هتتحبس بسببه بعد اعترافها بمشاهدة الاقلام المخلة في بيتها.
الحكاية دي وصلت للنائب العام وقتها لما قالت على الهواء انها بتشوف حاجات مخلة علشان تثقف نفسها.
وطلبت بعدم حجبها من مصر علشان الستات والرجالة ياخدوا خبرة الحياة اكتر، وده اللي خلى كل الناس تهاجمها واتقدم ضدها بلاغات كتيرة.
لكن رد فعل “انتصار” بعدها كان غريب قالت انها مقالتش حاجة غلط ومصرة على كلامها وكمان هي متعودة على البلاغات.
ماما مش بتمنعني ابوس
الازمة التانية في حياة “انتصار” هى موافقة بنتها “شاهيستا” الفائزة بملكة جمال المراهقات انها تمثل مشاهد جريئة على الشاشة.
“انتصار” طلعت هددت اللي نشر الخبر ده ونفت انها توافق لبنتها تعمل كدة، لكن الحكاية كلها اساسها فيديو لشاهيستا بنت الفنانة “انتصار”
لما كانت ضيفة هي وامها واخوها ممدوح بعد فوزها بلقب ملكة جمال المراهقات في لقاء تلفزيوني مع الاعلامي محمد الغيطي.
وقتها الغيطي سال “شاهيستا” عن رأيها في مشاهد القبلات على الشاشة فقالت انها في السن ده مش هتوافق، لكن لما تكبر هتغير رأيها وساعتها مش هيبقى عندها مشكلة.
“شاهيستا” في كلامها اعترفت وقالت ان امها بتسيبها تعمل اللي هي عاوزاه، وأحسن حاجة فيها انها مش بتمنعها تتباس وكدة” .. ده كان نص كلامها مع الغيطي.
الفيديو ده اتنشر من تاني على السوشيال ميديا وعمل ازمة كبيرة خلت انتصار تطلع تنفي وتقول انها مش موافقة ان بنتها تتباس على الشاشة.
ابني بيغير عليا ومنعني اتجوز
” انتصار” كانت اتعرضت لهجوم كببر من المتابعين خلال الايام اللي فاتت بعد تصريحها بانها ست عرفت تربي كويس بعد انفصالها عن جوزها.
كانت قالت انها بتتعامل ببحزم مع أولادها لان التربية قيادة والقيادة عاوزة حكمة وحزم في نفس الوقت.كمان قالت انها شجعت بنتها “شاهيستا” على دخول مسابقة ملكات جمال المراهقات اللي فازت بها السنة اللي فاتت لامتلاكها مقومات اللقب.
انتصار دافعت على فوز بنتها وقالت ان عندها للغات أجنبية وكمان مثقفة وبتحب الفن، وبتشارك في تقديم خدمات عامة للمواطنين.
وده اللي خلى بعض الناس يهاجموها على اعتبار ان بنتها لسة صغيرة، ومينفعش تفتح عنيها على الحاجات الجريئة دي.انتصار كانت اعترفت بإن ابنها ممدوح بيغير عليها بدرجة كبيرة، ومن شدة حبه ليها رافض انها تتجوز وتسيبهم.
“انتصار” قالت ان لما يجيلها عريس ابنها بيطفشه، وهي شايفة انها عملت اللي عليها وزيادة معاهم بالتضحيات اللي قدمتها علشان تشوفهم ناجحين في الحياة.
دور اتعبها نفسيا
“انتصار” ليها اعتراف قالت فيه ان دورها في مسلسل “ذات” اتعبها نفسياً، بتروح بيتها بعد التصوير تعبانة وعصبية.
في ءات بتعمل انتصار دور واحكة ست كبيرة عندها 80 سنة، وعلشان شكلها يناسب الدور بتحط مكياج يقرمش وشها لمدة 3 ساعات يومياً وده اللي وعبها نفسياً.
زواج سابق وانفصال غريب
انتصار كانت زوجه لضابط شرطة اتجوزته سنة 2001 خلفت منه ولد اسمه ممدوح وبنت اسمها شاهيناز واسم شهرتها “شاهيستا”.
حصلت خلافات بين انتصار وجوزها بسبب الفن وادوارها على الشاشة، وبسببها حصل انفصال بينهم سنة 2008.
