خبر حزين جداً بدأنا به اليوم بعد التأكد من وفاة الفنان مصطفى درويش ، صاحب الطلة المميزة الذي أثبت نفسه على الشاشة خلال اسنوات القليلة الماضية وتحديداً من وقت ظهوره بسلسل ميت وش.
وبشكل مفاجئ وبدون أي مقدمات ، توفى الفنان مصطفى درويش انهاردة الصبح ، وده بسبب توقف مفاجئ في عضلة القلب ، وكان الخبر صدمة كبيرة للوسط الفني ولكل محبي الفنان مصطفى درويش على السوشيال ميديا بعد ما بدأت تنتنشر صوره وعليها التعزيات والدعاء ليه
هاني درويش أخو الفنان مصطفى أعلن وفاته بشكل أكيد على حسابه على فيسبوك من شوية ، وكتب :” البقاء لله ، توفى إلى رحمة الله تعالى شيقيق مصطفى درويش ”
وأعلنت أسرة مصطفى درويش أن الجنازة هتكون بعد صلاة العصر من مسجد الحصري في أكتوبر ، وهيكون العزاء بعد صلاة المغرب في مسجد الشرطة بالخمائل في الشيخ زايد
السوشيال ميديا تحولت من دقايق إلى دفتر عزاء ، الجميع مصدوم من وفاة مصطفى درويش المفاجئة ، وماس كتير اعتقد أنها مجرد اشاعة زي ماتعودنا على اشاعات النجوم من جواز و موت و طلاق وغيره ، لكن الخبو للأسف طلع حقيقي بعد ما اخو الفنان أكد بنفسه وفاة مصطفى درويش
مصطفى درويش اختاره القدر أنه يموت وهو في شبابه .. 43 سنة بس كان عمره لكنه تعرض لأزمة قلبية مفاجئة أنهت حياته وبدون أي مقدمات أو تعب أو مرض عانى منه خلال أيامه الأخيرة
ومن الحاجات اللي محدش كتير يعرفها عن مصطفى درويش أنه كان إنسان خير ومتعود يوزع وجبات طعام على الناس الغلابة من خلاله مطعمه الخاص ، و النجمة إيمان العاصي أكدت الكلام ده بنفسها بعد ماعرفت خبر وفاة مصطفى درويش
ونشرت إيمان العاصي سكرين شوت لـ شات بينها وبين مصطفى درويش عشان يعملوا عمل خيري ، وقالت أنه كان عنده مطعم بيفتحه أوقات معينة في اليوم لأي حد محتاج ، وطلبت منه يشارك معاهم في عمل خير وفعلا متأخرش عليها و اتفاجئت بعربية كبيرة مليانة وجبات طعام بتتوزع على الناس وطلب منها أمانة ، أنه يشاركها دايما في العمل الخيري دي .
وعبرت إيمان العاصي عن صدمتها في وفاة مصطفى درويش وقالت :” انا غصب عني بكره الموت قوي اللهم لا اعتراض يا مصطفى ” .
أما عن حياته العاطفية ، فمن سنة فاتت أعلن مصطفى درويش أنه بيحب بنت من خارج الوسط الفني ، وخطبها في يونيو 2022 ، وبعد خطوبته ب 24 ساعة بس حصلتله أزمة صحية مفاجئة لكنه تعافى منها وكان بيستعد لجوازه قريب، لكن القدر ليه حسابات تانية ..
وقال مصطفى درويش عن حبيبته :” هي الحمدلله خارج الوسط الفني عشان شغلهم صعب والوقت كدا مش هحلق اقعد معاها، كمان من مواصفاتها يكون دمها خفيف بتخلق روح حلوة، وفي نفس الوقت عاقلة، بتعرف تفكر أقدر أخد رأيها مش فاضية داخليًا”.
