يعتبر مسلسل “بالطو” من أنجح الأعمال الدرامية التى عرضت حتى الآن بعدما تم عرضه على منصة Watch it.المسلسل من تأليف وسيناريو وحوار أحمد عاطف فياض وبطولة الممثل الشاب عصام عمر وبيشاركه عدد من النجوم والنجمات منهم هاجر الجندي.
وعلى السوشيال ميديا اتنشرت مجموعة صور من المسلسل، من خلالها المشاهدين عبروا عن حبهم لشخصية الدكتور عاطف واتعاطفوا معاه وده طبعاً له 5 أسباب:
طيب وبيعامل المرضى كويس
من الأسباب اللي خلت الجمهور يتعاطف مع بطل المسلسل الدكتور عاطف وهو إن شخصيته في المسلسل تتميز بطيبة القلب من خلال معاملته لزملائه الدكاترة والممرضين في الوحدة الصحية ونفس المعاملة الطيبة مع المرضى.
كريم وبيساعد المحتاج
سبب تاني خلى الجمهور يتعاطف مع الدكتور عاطف.. وهو إنه بيتعامل مع اللي شغالين معاه ومع أهل البلد بكرم.
وده ظهر من خلال مواقف كتيرة منها المبلغ اللي أعطاه لابن “عبد البديع الطرشوخى” لما طلبه منه، ولما دفع مبلغ على سبيل النقطة في فرح شاب من القرية.
المدير الحنين رزق
أما السبب الكبير لتعاطف الجمهور مع “الدكتور عاطف” هو تعامله مع زمايله في المستشفى.. وكان واضح ان شخصيته مرنة وطيبة مع كل اللي شغالين معاه بالوحدة الصحية.
مواقفه في الشغل ظهرت في أكتر من مشهد منها موافقته على أجازات الموظفين حتى لو كانت غير منطقية، برضه مكانش بيرفض يمضي عليها .
دكتور متواضع ركب مع البط والوز القطر
كمان الدكتور عاطف كامل بيتعامل مع الناس ومع الموظفين بمختلف مناصبهم بالوحدة الصحية بتواضع كبير لدرجة إنه سمح للممرضات يفطروا في مكتبه، وهو نفسه فطر معاهم وده دليل على تواضعه علشان كدة هما أحبوه.
كمان ليه صورة مشهورة لمشهد القطر.. لما ركب القطر في الكرسي اللي جنبيه واحدة معاها قفص بط ووز.. في المشهد ده الدكتور عاطف سمح بالبط والوز من غير ميقول حاجة أو يتضايق من وجودهم جمبه.
مجتهد في شغله
السبب الخامس اللي خلى الجمهور يتعاطف معاه هو إنه مجتهد ومكافح في حياته رغم صغر سنه، وكمان إصراره على النجاح وتحقيق حلم أبوه في إنه يكون طبيب.
وظهر إجتهاده كمان في شغله بالوحدة الصحية رغم إنه كان عاوز يسيبها ويشتغل في مستشفى بالقاهرة.
معلومات عن أبطال المسلسل
المسلسل ده واجه اتهامات كيرة منها إهانة أهالي “كفر الشيخ” في بعض المشاهد اللي بتظهر اعتماد أهل الريف على أعمال الدجل.. لكن المؤلف نفى ده وقال إن القصة ابداعية ملهاش علاقة بالواقع خالص.
المسلسل مكون من 10 حلقات معظم أبطاله ممثلين جداد رسموا خريطة الكوميديا في مصر من أول وجديد.. المسلسل بيناقش أزمات الأطباء والممرضين في مستشفيات الريف وبعد عرضه حقق اكبر نسبة مشاهدة لحد دلوقتي.
أول بطولة مع بنت محمود الجندي.. الجيل الجديد اتفوق على أهل الخبرة
المسلسل قام ببطولته مجموعة من الشباب مع جيل الخبرة والاتنين عملوا حالة فنية مميزة أشاد بيه كل اللي شافوه، خاصة لما نشأت قصة حب بين الدكتور عاطف والدكتورة هاجر.
“عصام عمر” اللي هو الدكتور عاطف.. هو أول دور بطولة له في عمل كوميدي كمان… والغريب بقى ان عصام كان رافض يعمله لكن المخرج “عمر فؤاد المهندس” حفيد الفنان الراحل “فؤاد المهندس” هو اللي أقنعه.
“عصام” كان هاجر لأمريكا قبل دخوله مجال الفن.. لكن رجع بسرعة علشان يحقق حلمه في مصر، وبقى من نجوم الصف الأول.. رغم إنه كان مستلف تمن تذكرة سفره لأمريكا.
أما “الدكتورة هاجر” فقامت بيها الفنانة “مريم الجندي” بنت الفنان الكبير “محمود الجندي”، وبرضه “مريم” أول مرة تعمل دور بطولة، ومؤلف العمل اختار اسم الدكتورة هاجر على اسم مراته في الحقيقة.
