بالطبع معظمنا يتذكر اغنية تيجي نتجوز بالسرر التي تصدرت وسائل التواصل الاجتماعي منذ فترة، وكان العديد يقوم بغنائها وإعادة نشرها عبر السوشيال ميديا، تلك الأغنية التي غنتها سارة زكريا وحققت شهرة وااسعة من خلالها في مصر.
بقت على لسانا كلنا فجأة كدامن فترة ومكناش عارفين اصلا مين صاحبة الاغنية وايه الكلام الجرئ ده، لحد ما عرفنا صاحبتها سارة الزكريا اللي اتشهرت في مصر بسبب الاغنية دي ،، لعبة التريند بقى
وبعد ما حفظنا الاغنية وماشيين نغنيها كلنا، اختفت سارة فترة ورجعتلنا تاني مع المطرب عمر كمال وقرروا يعملوا اغنية جديدة مع بعض.
سارة الزكريا هي اصلا لبنانية ، وبتغني لون شعبي مختلف في لبنان، يعني هي مش من نوعية نانسي عجرم واليسا والحاجات الرايقة دي ، لأ هي المفروض مطربة شعبية عندهم وليا استايل معين كدا وكل اغانيها جريئة ومليانة حكم
حظها ان اغنية تيجي نتجوز بالسر فرقعت في مصر عشان احنا شعب بنحب الحاجات دي ، فاستغلت الشهرة وصداقتها مع عمر كمال وقرروا يعيدوا الامجاد ويتحفونا باغنية قريب ، ياترى هيكون كلامها ايه يا سارة ؟ ..ربنا يستر
المهم ان سارة الزكريا جت في زيارة لمصر ، وقابلت عمر كمال عشان يسجلوا الاغنية وكمان بيجهزوا اللي بعدها ، وقضوا وقت حلو وشوية فسح وخروجات واكل مصري اصيل.
ظهرت سارة الزكريا وعمر كمال في فيديو اتكلموا فيه عن خطتهم ، وقالت ان عمر صديقها الجدع وكل مواقفه معاه حلوة ورجولة
عمر كمال حب يعمل لقطة حلوة مع سارة وخدها فسحها في مصر وركبها مركب في النيل ، وقالت سارة انه عزمها على اكل مصري عجبها وأكلت ملوخية ومحاشي وفراخ.
وأعلن عمر كمال وسارة الزكريا انهم بالفعل شغالين على اغاني جديدة هتجمعهم سوا وهنسمعها قريب، طبعا كان في اسباب خلت عمر يختار سارة عشان يعمل معاها اغنية خاصة وان هي مش مصرية ، وفي مطربات مصريات كتير بيغنوا شعبي ، فاشمعنة سارة اللبنانية بقى ؟
عمر كمال قال في تصريحات ان سارة جريئة وليها اسلوب مختلف في الغنا وكمان على المسرح ، وهو ده اللي عجبه فيها وخلاه عايز يشتغل معاها عشان هيقدر يعمل شغل جديد ومختلف.
وكمان قال انه اختارها بعد ما اغنيتها ” تيجي نتجوز بالسر” نجحت وكسرت الدنيا والناس عرفتها وكانوا عايزين يعرفوا مين البنت دي وازاي بتغني كدا.
وعن سر اختيارها ، قال عمر كمال : قررت اشتغل مع حد جديد خالص ومشتعلتش معاها قبل كدا ، واقدم لون جديد ، وده اللي لقيته مع سارة الزكريا ، واللي هي بتغنيه محدش في مصر من المطربت بتغنيه، وفي افيهات في الاغنية مش هتليق على حد غيرها.
ده كان كلام عمر كمال عن المطربة الشعبية اللبنانية سارة الزكريا ، وليه قرر يشتغل معاها تحديداً رغم وجود نجماتفي مصر كتير بيغنوا شعبي لكن السر كان في الجرأة والاختلاف.
وطبعا الشعب المصري كله حب اغنية سارة بتاعت تيجي نتجوز بالسر خاصة بعد ما شافوها بتغنيها على المسرح ازاي وتفاعل الجمهور معاها، وكمان فساتينها الجريئة ولبسها ، فده كله خلاها تتعرف وتتشهر في مصر بأغنية واحدة بس فتحت قدامها سكك كتير.
عمر كمال مش اول مرة يغني دويتو مع حد ، وانجح اغانيه كانت كلها مع نجوم تانيين، طبعا منهم زمايله في الوسط حمو بيكا وحسن شاكوش ، واللي حصل بينهم مشاكل كتير وبطلوا يغنوا سوا وكل واحد شغال مع نفسه
كمان حسن عمل اغنية شعبي مع سمية الخشاب اسمها اوعدك ، وكانت في 2021 ، ونجحت نجاح كبير ، لكن ناس كتير هاجمت سمية بسبب الاغنية دي وان دي مش سكتها ونصحوها تكتفي بالتمثيل بس
ثريب اوي هنسمع كلنا اغنية عمر كمال وسارة الزكريا الجديدة والي متوقع انها تكسسسسر الدنيا.
