هجوم كبير شنته الفنانة منة شلبي، على المذيعة أسما إبراهيم، بعد سؤال وجهته إلى الفنانة ريهام عبدالغفور خلال استضافتها في برنامج «حبر سري»، المذاع عبر قناة «القاهرة والناس».
وجاء نص السؤال: «تقري وتعترفي إن منة شلبي سبقتك بخطوات كتير أوي؟».
«عيب أوي».. منة شلبي تنفعل على مذيعة مشهورة بعد هذا السؤال
وردت ريهام قائلة: «أعترف جدا.. منة شلبي دي حبيبة قلبي، أنا من أشد المعجبين بيها، وأنا بحبها وبحترمها جدا فنيا وإنسانيا، وبحترم التطور اللي حصلها على كل المستويات، وبتمنالها كل التوفيق في مسلسلها”.
من جانبها، هاجمت منة شلبي المذيعة على سؤالها، قائلة: «عيب أوي الأسئلة اللي من النوع ده حقيقي عيب، ريهام فنانة كبيرة جدا وإحنا مش في سباق، إحنا كلنا بنكمل بعض مش بننافس بعض! عيب».
فيما ردت عليها أسما قائلة: «بعيدا عن الطريقة والعيب واللي مش عيب في السؤال الموجه للجميلة ريهام عبدالغفور، ما كانش مقصود التقليل من المبدعة ريهام عبدالغفور بالسؤال ده، خصوصا إنها محققة نجاح كبير شايفينه ولامسينه».
وتابعت: «الغرض من السؤال ما كانش خبيث قد ما هو إشادة بتاريخ منة شلبي وتحفيز ريهام عبدالغفور للاستمرار في صعودها ونجوميتها اللي إتأخرت لأسباب ملهاش علاقة بروعة أدائها ولا بموهبتها الكبيرة».
