مازال العديد من متابعى ومحبى المطرب لؤي يتسأل عن أسباب غيابه عن الساحة وهذا ما كشفه المطرب خلال الساعات الماضية حيث كشف المطرب لؤي سر غيابه عن الساحة الفنية، وذلك خلال لقاء له في برنامج مساء dmc، الذي تقدمه الإعلامية ايمان الحصري.
حيث قال: “بختفي وارجع بسبب ظروف السوق على لؤي وغير لؤي، شركات الإنتاج أصبحت قليلة جدا ومبتنتجش، زمان كان الواحد بياخد اجر صوته ومالوش دعوة بحاجة دلوقتي المطرب بقى يعمل كل حاجة وهو اللي بيحط نفسه في الفاترينا، وده محتاج ضغط كتير”.
وواصل: “الحلو زمان كان بيفرض نفسه لكن دلوقتي لو حتى حلو ومبيسوقش نفسه مش هينجح، من ٢٠١٨ الإنتاج وقع وقالي ٤ سنين مش متواجد، ولحد دلوقتي بتطلب في تترات المسلسلات”.
وأضاف: “في ناس بتلومني على غيابي بس انا مبتطلتش هي بقت عادة اني اختفى وارجع، وانا بثق في جمهوري اوي ثقة عمياء، كان بيتعرض عليا التمثيل الاول بس عشان رفضت كتير مبقوش يعرضوا لكن لو قولت انا جاهز هلاقي كتير، وانا حاطه في دماغي دلوقتي”.
وتابع، متحدثاً عن زوجته: “زوجتي قامت بتحلين أغاني كتيرة لي، واتعرفت على زوجتي في كلية التربية الموسيقية وأعجبت بها “.
وأكمل: “قبل فرحي كنا بندور على حد يعمل لنا أغنية في فرحي واتصل بي موزع صديق لي وطلب مني أي لحن وزوجتي كتبت الكلمات والألحان”.
