أكل حقي ومش هسامحه.. أزمات تواجه الفنان أحمد مكي

واحد من مشاهير الفن في مصر والوطن العربي، عرف بمواهبه الكوميدية على الشاشة ومنذسنوات كتيرة يحقق نجاحات مختلفة.
كان طموحه يبقى مخرج كبير لكن بعد أول تجر بة ليه احترف مجال التمثيل ومن هواياته تربية الحمام والكلاب وعاشق للعصافير.. بنتكلم عن الفنان احمد مكي.

أكل حقي وسرق أغنيتي!

بنسمع كتير أوي إن الفنان الفلاني سرق أغنية من واحد مؤلف ونسبها لنفسه والحاجات دي مفيهاش هزار لأن الأغنية في الغالب بتكون متسجلة باسم صاحبها وواخدة حق أدبي.

آخرهم كان الفنان “أحمد مكي” لما اتفاجئ الجمهور بالشاعر الغنائي “عنتر هلال” طالع في برنامج “الستات” بيكشف تفاصيل المشكلة اللي بينه وبين الفنان أحمد مكي.

“عنتر هلال” قال إنه عمل محضر ضد مكي بسبب أغنية «تملي الصبح بدري» المملوكة له ومكي غناها ونسبها لنفسه من غير ميديله حقه.

وعن تفاصيل الموضوع أكتر هلال كان قال إنه اتصدم من الفنان أحمد مكي بعدما استخدم أغنيته «تملي الصبح بدري»، بدون وجه حق في فيلمه الشهير «طير إنت»، المملوكة له وقال إن “مكي” أخد خبر بالموضوع وكبر دماغه منه ورفض يديله حقه وبلعه.

لكن رجع الشاعر عنتر هلالر وقال إن الموضوع مخلصش بالنسبة له وملفه مفتوح مع ربنا وأي حد هيفكر يظلمه أو يأكل حقه ربنا هيدمره».

فيلم «طير إنت» واحد من أنجح أفلام أحمد مكي واللي من خلاله عمل ثنائي فني ناجح مع دنيا سمير غانم.. والفيلم من تأليف عمر طاهر وإخراج أحمد الجندي إنتاج سنة 2007.

سر ظهوره لأول مرة على الشاشة

سنة 2001 كانت السنة اللي ظهر فيها أحمد حلمي على الشاشة لأول مرة من خلال أحد مشاهد فيلم “ابن عز” مع النجم الكوميدى الراحل علاء ولى الدين، لكنه انتشر بشكل سريع بعد ظهوره مع الزعيم “عادل إمام” فى فيلم “مرجان أحمد مرجان” لما مصل دور “اتش دبور”.

وقبل دخول “مكى” مجال السينما كان ظهر فى إعلانات إحدى شبكات المحمول سنة 2000، يعني من حوالي 23 سنة وظهر فى الاعلان ده بدور كوميدى وهو بيعمل نفس الحركات اللى عملها بعد كدة بكل أفلامه ومسلسلاته.

واللي محدش يعرفه عن “مكي” إنه قبل ميدخل التمثيل كان شغال في الإخراج وأول عمل أخرجه كان سنة 1998 من خلال فيلم قصير أخرجه اسمه “ياباني أصلي”.

الأب جزائري وسر تكشفه أخته الفنانة

“مكي” اتولد في مدينة وهران الجزائرية لأب جزائري وأم مصرية، لكن اتربى وعاش في مصر بمنطقة الطالبية بالهرم.. ليه اتنين اخوات أكبر منه.. الفنانة “ايناس مكي” وأخوه التالت “مهندس” عايش برة مصر، وشغال في مجال الطاقة.

أخته “إيناس مكي” كانت اتسببت في ضجة كبيرة لما غابت عن الشاشة لمدة ست سنوات وأكتر وفي كلتم اتقال ان أخوها احمد مكي هو اللي خلاها تسيب الشاشة ورفض يخليها تشاركه في أعماله.

لكن هي لما ردت “ايناس” على ده قالت إن أخوها ده سندها وهما عيلة مترابطة ومتماسكة أوي وسعيدة بنجاحه، لكن مش علشان مبتشتغلش معاه يبقى مقاطعين بعض.

“مكي” معروف عنه عدم الظهور في وسائل الاعلام وكمان مش من النوعيات اللي بتتكلم عن حياته الشخصية.. اتجوز سيدة أعمال شهيرة في مجال التجميل، وليها فروع في القاهرة والمحافظات ومخلف منها ولد اسمه “أدهم”.

زواج غريب واتفصال سريع

كانت بتربطه بدنيا سمير غانم قصة حب معروفة في الوسط الفني، وده اللي اعترفت بيه وقتها الفنانة “دلال عبد العزيز” لما كانت بتكلم واحدة مقربة ليها، لكن فجأة “أحمد مكي” اتجوز واحدة غير “دنيا”، وكان فرحه بسيط من غير ميدعي حد من المشاهير.

“مكي” كان في مقابلة مع “أحمد يونس” مذيع برنامج “كلام معلمين” اعترف فيه بأنه انفصل عن مراته من خمس سنين لكنه علاقته بيها مستمرة وكويسة وبيشوف ابنه وقت ماهو حابب لأن ابنه ملوش ذنب في علاقة زواج فاشلة زي مبيقول.