هذا الكليب سينسف تاريخك يا محمد رمضان.. لابس الروب وفقط وتجلس في أحضان البنات بالليل والصبح ينشر فيديو وهو يصلي الجمعة ويتصور مع الجمهور في الساحل الشمالي.. رمضان مكمل في إثارة الجدل وما يفعله ولا يفرق معه من يقولوماذا يقول عليه؟
ياترى ليه الناس بتهاجم محمد رمضان دايما؟ وليه ظهوره في أحضان البنات صدم الجمهور وإيه اللي ناوي يقلب بيه السوشيال ميديا ومن حقه ولا لأ؟.. كل دي تفاصيل هقولكم عليها فيالتالي:
الناس بقت متعودة على الهجوم على محمد رمضان يعمل مهما يعمل مفيش فايدة ودائمًا فاكرينله كل حاجة وحشة بيعملها لدرجة إنه المرة دي مش هتعدي سهلة عليه أبدًا.. الجمهور نسي نجاح جعفر العمدة والخير اللي عمله مع بعض الناس اللي محتاجة تتعالج ومقطعينه انتقادات وهجوم.. طيب آخرتها إيه وهل هيكمل في نفس الطريق ومش هيعتمد انتقادات وهجوم ولا إيه الحل؟.
تمثيل حلو وغنا رديء
في ناس كتير بدأت تتفاعل مع محمد رمضان على مستوى التمثيل وناس كتير قالت عليه نضج فنيًا وبيقدم شغل حلو وبالذات بعد النجاح الكبير اللي حققه في مسلسل جعفر العمدة اللي اتعرض في رمضان اللي فات.
لكن لو جينا على مستوى الغنا والكليبات هنلاقي الهجوم من كل ناحية يعني صورته بالدولارات وهو في حمام السباحة محدش سكت عليها يظهر في الحفلات بهدوم مش عاجبة الجمهور يديله فوق دماغه وهو مش مبطل ومكمل في اللي بيعمله وشايف إنه بيقدم فن ومن حق الناس تقبل ده أو ترفضه.
ليه الناس بتهاجمه
محمد رمضان نشر كام صورة كده على حسابه في إنستجرام وبيعمل حبة ترويج كده للكليب الجديد بتاعه اسمه “تطبطب” وده عشان ظهر في الصور ولابس الروب وكان شكله زي بتاع البنات بسبب ألوانه لأ وكمان شعره مصبوغ أبيض.
واللي عمل الأزمة بقى صورة تانية ليه وهو نايم في على السرير ومنهم اللي في حضنه ومنهم اللي نايمة وشكلهم عمل ضجة جامدة والناس اعتبرت صورته في أحضان البنات جريئة جدا ومكانش ينفع ينشرها عشان ميحصلش صدام بينه وبين جمهوره اللي فتح النار عليه وقالوا انت خربت كل العلاقات اللي بينك وبين البشر في المنشور ده.
قلب السوشال ميديا
طبعًا صور محمد رمضان موقفتش عند الانتقادات في التعليقات وهجوم الناس عليه ده الموضوع قلب السوشال ميديا كلها ومحدش عارف هيحذف الصورة ولا هيتعذر ولا هيعمل إيه.
لكن طبيعة شخصية محمد رمضان إن اللي بيقدمه ده فن وبيخدم الكليب أو المحتوى اللي بيعمله ومحصلش قبل كده إنه اعتذر عن حاجة في الشغل معجبتش الناس.
ورغم الهجوم ناس قالت لمحمد رمضان حاول تفكر انت بتقدم إيه للناس و بتعلم الأجيال الجديدة إيه عشان انت كده بتنشر فكر تعدد العلاقات للراجل ومن غير كلام في الدين عشان ده موضوعنا بس أخلاقيا ده ميصحش ومتقولش ده فن.. انت موهوب والناس بتحبك فاستغل ده صح.
