سما المصري ستعو للأضواء من جديد والناس تنتظرها تعمل فيديوهات من ثاني على التيك توك.. يا ترى ستفعل هذا من جديد أن أنها ستتوب عن هذا الأمر بعد ما حدث لها؟
إحنا عملنالكم التقرير ده عشان نقولكم على رجعوها للأضواء خلاص ومفاجأة في معاد خروجها من السجن ومعقولة هتاخد عفو ولا إزاي هتخرج؟.. يلا بينا.
سما المصري بقالها سنتين وأكتر مختفية عن العيون ولا حد يعرف حكايتها إيه بعد ما كانت قالبة السوشال ميديا بفيديوهات وبعدين القضايا اللي اتورطت فيها لكن اطمنوا هي مشرفة على البورش وخلاص هتطلع وترجع تاني للأضواء وطبعًا أكيد هي محضرة طريقة كده ولا كده عشان تخرج بيها وتعمل قلبان زي عادتها أصل مفيش حاجة بتعملها وتعدي كده علطول لازم تعمل الشو بتاعها اللي يخلي كل الناس تتكلم عنها.. لكن إمتى بقى هتخرج وهتاخد عفو ولا لأ.
بيتها مفتوح للكل
سما المصري كانت عاملة بيتها ده ساحة مفتوحة للكل مش عشان يدخلوا ويقعدوا معاها طبعًا لأ هي كانت بتنقل كل اللي بتعمل في حياتها للجمهور في بيتها من كاميرا هوب تصور وتذيع والناس تشوف وتشتم وناس تشوف وتعاكس وناس كتير كانوا زعلانين من اللي بتعمله لحد ما بدات تعمل فيديوهات جريئة وخادشة للحياء ومحدش كان قادر يوقفها وبعدين لاقينا محضر في التاني اتعملوا ضدها لحد ما اتورطت في قضايا الفسق والفجور ونشر محتويات مخلة بالشرف والآداب العامة وإفساد قيم المجتمع واتقبض عليها واتحاكمت واتسجنت.
شرفت على البورش
سما المصري كانت فاكرة إنها هتتحاكم وكام جلسة في التانية وتخرج بكفالة حتى وتطلع تظهر تاني على التيك توك.. لكن هي لقيت نفسها مشرفة في السجن وانهارت في العياط وقالت بقى أنا اللي كنت 24 ساعة أطلع في فيديوهات وأقرفكم هتترحموا مني كل ده كده لأ انا مش مصدقة نفسي وقعدت تعيط بس خلاص الحكم لازم يتنفذ.. وخدت سما المصري 3 سنين حبس ومعاها 300 ألف جنيه غرامة.
إمتى هتخرج إمتى؟
الناس بقى بتسأل إمتى سما المصري هتخرج خاصًة إنها لما اتسجنت كانت الناس كلها شمتانة فيها وكله كان قاعد يشوف فيديوهات محاكمتها لأن الناس كانت في حجر منزلي وقت الأزمة العالمية إياها وكله ماسك التليفونات وقاعد في البيت.. هي خدت 3 سنين سنة 2020 المفروض إن ده كان في أواخر السنة والمفروض إنها منتظر تخرج السنة دي يعني يمكن على شهر ديسمبر الجاي كده ولا حاجة.
لكن لأ استنوا هو ده بجد؟ بصوا سما المصري ممكن تاخد عفو رئاسي كام شهر كده وده حسب ما طلب المحامي بتاعها ومش بعيد نلاقيها بعد كام يوم على الأسفلت.. وفي حاجة كمان ممكن سما المصري تفضل مكملة في السجن ومتخرجش حتى في معادها أواخر السنة دي وده في حالة لو عليها قضايا تانية مستخبية لسه محدش يعرف عنها حاجة.
تفتكروا سما المصري هترجع للأضواء من تاني وتعمل فيديوهات على تيك توك وتغير حياتها شوية ولا هتعمل نفس اللي كانت بتعمله؟.. وهل هتقدر تعيش في مصر تاني ولا زي ما اتقال إنها غالبًا هتسافر بره مصر ومش هتعيش فيها تاني؟.. اكتبولنا آرائكم في الكومنتات.
