ليس كل أبناء النجوم معروفين ، لكن النجم خالد سليم فاجئنا بصورة له مع ابنته الكبيرة نور واحتفل بها وهي تتخرج من الثانوية والجمهور كله اتفاجئ انه لديه بنت في هذا السن؟فما الحكاية ومتى أنجب تلك الفتاة؟ تابعونا لمعرفة التفاصيل:
خالد سليم نشر صور على انستجرام امبارح مع بنته الكبيرة نور وكتبلها كلام حلو اووي يلمس القلب ، وهو فرحان بيها انها بتكبر وبتتخرج ، وقالها : حفلة تخرج بنتي الكبيرة نور، كنت سعيد إنها وصلت للمرحلة دي بكل نجاح، وكنت خايف عليها طول ما أنا شايفها بتتحرك قدامي، وفخور بيها وبمحبة الكل ليها وشخصيتها الحلوة،الف مبروك يا نور واعرفي اني دايما فخور بيكي يا حب عمري “.
وقال كمان : كان يوم مميز جدا ليا، اختلطت مشاعري بشكل غريب، بشكل عمره ما حصلي في حياتي كلها، رغم إني ممكن في ألبوم واحد أغني أكتر من حالة ومشاعري تكون مختلفة مع كل لحن، أو إني أدخل في فيلم أو مسلسل والشخصية يكون فيها اختلاف في المشاعر في كل مرحلة، بس الحقيقة النهاردة أنا عشت 4 ساعات مليانين سعادة وخوف وفخر ودموع ومحبة وشجن».
البنوتة كبيرة مش صغيرة وأول مرة تظهر مع خالد سليم ، وهو دايما بينشر صور ليه مع بناته الاتنين كنزي وخديجة ومحدش يعرف انه عنده بنت كبيرة اسمها نور في ثانوي.
لكن الحقيقة ان دي مش بنته ، لكنها بنت اخته واتكلم عنها لما لع في لقاء مع امير كرارة وقال انه خالها وهي بتحب تلعب كورة زي الولاد ومشتركة في نادي وواخدة الموضوع بجد.
وقال عنها انها خدت الدلع كله قبل م اتجوز واخلف بناتي ، وعلاقته بيها قوية ةهو اللي مربيها ومهتم بيها وبيعتبرها بنته وصحبته واكتر واحدة قريبة منه.
لكن في 2011 اتجوز خالد سليم حبيبته خيرية هشام علي ، بعد ما جمعتهم قصة حب، وهي من خارج الوسط الفني ، وحتى الان مستقرين بحياتهم وبيحتفلوا كل سنة بعيد جوازهم.
وخيرية تبقى بنت رجل الاعمال هاشم علي ومامتها الاعلامية مهرة راشد ، ومن وقت جوازها وهي مكرسة حياتها لبيتها ووجوزها وبناتها ، لكنها متفاعلة جدا على السوشيال ميديا ، وعندها اكتر من ربع مليون متابع على أنستجرام ،وبتنشر صور وفيديوهات ليها ولبناتها بشكل شبه يومي وعندها اصدقاء كتير من الوسط الفني منهم دينا فؤاد.
وخلف خالد وخيرية بنتين وهما كنزي و خديجة ، ومامتهم خيرية دايما بتنشر صورهم معاها على انستجرام وبتوصف نفسها انها ام الاميرات.
كمان خالد سليم اتكلم في لقاء قبل كدا عن موهبة بنته خديجة وقال انها بتحب الغنا وصوتها حلو وعندها موهبة مختلفة ومعجب بيها جدا ومتوقع انها هتاخد نفس سكته وهتكون نجمة كبيرة.
كمان قال انه بيساعد بنته تنمي موهبتها وبيقعد يغني معاها ويعلمها، ولما يلاقيها بتغني وتدندن مع نفسها بيسجلها من غير ماتعرف، كما مامتها خيرية بتصورها فيديو وهي بتغني وتبعته لباباها خالد وهو مسافر عشان يشوف بنته ويفرح بيها.
اما البنوتة الصغيرة كنزي قال انها بتحب تغني برضه بس بتتكسف مش زي خديجة ، ومعندوش مانع لو بنته قررت تكمل في مشوار الغنا لما تكبر.
لكن حبه لبناته ورعايته ليهم مخدوش من بنت اخته نور اللي رباها بنفسه ، وفضل مهتم بيها وبحياتها وتفاصيلها وبيدعمها في كل مراحل حياتها ومعتبر نفسه مسؤل عنها كأنه باباها بالظبط ، وانه عنده 3 بنات مش بنتين بس ..
خالد سليم موهبته ظهرت وهو طفل ولما باباه اكتشف حبه للغنا وانه موهوب جابله اورج هدية ، وده نفسي الشيئ اللي بيعمله خالد مع بنته انه بيشجعها ويدعمها زي ما باباه عمل معاه بالظبط.
ولما كبر خالد وبدأ يغني حقق نجاحات كتير في بداية مشواره وخد لقب مطرب أول جامعة القاهرة 3 سنين ورا بعض من 97ل 99 ، وكمان خد لقب مطرب اول شباب جامعات مصر سنة 99 ، مش بس كدا ده كمان اتكرم كأحسن صوت صاعد سنة 2000 ومن وقتها بودأ مشواره وانطلاقته في بداية الالفينات واتعرف وبدأ يغني ويمثل في نفس الوقت.
