زمان كانت مصر معروفة انها رائدة المسرح في الشرق الاوسط كله، يعني السياح كانوا يأتوا من كل مكان لكي يستمتعوا بالعروض المسرحية.
لكن دلوقتي وعلى راي الفنانة نجلاء بدر اللي قالت إن كل المواهب للاسف سافرت للخارج ونسيوا فضل مصر عليهم، مصر اكيد ولادة بنجومها وفنها التاريخي على مر العصور، ومش الفن بس اللي مصر رائدة فيه بالعكس، كل العلوم هتلاقي المصريين متفوقين.
نجلاء بدر كان ليها تصريح مهم اوي قالت فيه إن منظومة الفن مليانة أخطاء عاوزة ترميم. وقالت بدر إن الدليل على ده هو إن عدد من الفنانين بيقدموا عروض مسرحية قوية خارج مصر وقالت ليه عشان تتفرج على مسرحية لأحمد السقا تضطر تروح الرياض؟
وفي السنوات الاخيرة حصلت هجرة للمسرح المصري لتقديم عروض لصالح دول تانية زي موسم الرياض او اي دولة عربية او اجنبيه، وده بيكون من خلال جذب النجوم المصريين مقابل فلوس ضخمة.
النجم العالمي “زيكو زكى” اللي عمل دور البطولة فى المسلسل الأمريكي “FBI”، واللي ظهر في شخصية ضابط مسلم يواجه أحداث مختلفة بعد أحداث الحادى عشر من سبتمبر هل حد يعرف ان زيكو زكي من أصل مصري؟
زيكو مصري اتولد في الاسكندرية لكنه عاش في نيويورك وهناك دخل مجال الفن
وقدم عدد من الأعمال الفنية الهامة وكمان شارك النجم العالمى سيلفستر ستالون فى تقديم فيلم Escape plan 2
وكمان الممثل الشهير “رامي مالك” من اصل مصري والده هاجر لامريكا وهناك استقر بها، ولما جه رامي للحياة دخل مجال الفن وبقى نجم من نجوم هيوليود.
رامي اتولد في مدينة لوس أنجلوس بولاية كاليفورنيا الأمريكية، لوالدين مصريين، وبدأ التمثيل في جامعة إيفانسيفل من خلال ادوار صغيرة.
لكن شهرته زادت لما عمل بطولة مسلسل “السيد روبوت” سنة 2015 اللي حقق له نجاح كبير رشحه لجايزة جولدن جلوب، وفاز بجايزة إيمي لأفضل ممثل، وكمان فاز بجايزة الأوسكار كأحسن ممثل سنة 2019.
والنجمة “وينداي مالك” من بين قايمة النجوم العالمية اصحاب الأصول المصرية هي كمان اتالقت في هيوليود.
“ويندي” بدأت حياتها كعارضة أزياء، قبل دخول مجال التمثيل، وهى من أب مصري وأم أمريكية اشتهرت بمشاركتها فى أفلام ومسلسلات حققت نجاح عالمي كبير.
وبعد شهرتها وادوارها المميزة قدرت تفوز بجايزة الجولدن جلوب وجوايز عالمية غيرها. وفي كمان النجم العالمي “عمر متولي” من أصول مصرية والده ساب مصر واتجه لامريكا وهناك انجب إبنه عمر اللي بقى نجم عالمي هو كمان.
“عمر متولي” اتولد في نيويورك، لأب مصري وأم هولندية، درس هناك واتخرج من جامعة كاليفورنيا وبدأ مسيرته الفنية سنة 1999.
وحصل عمر متولي على جايزة الجولدن جلوب لأفضل ممثل في مسلسل تليفزيوني كوميدي سنة 2020. وهو تالت ممثل مصري بعد عمر الشريف و رامي مالك ياخد الجايزة دي.
معروف بأدواره الشهيرة، وتم ترشيحه سنة 2004 لجابزة توني اللي زيها زي جايزة الأوسكار في السينما عن فئة أفضل ممثل.
النجم “رامي يوسف” وهو ممثل كوميدي أمريكي من أصل مصري، قام ببطولة وإخراج المسلسل الكوميدي الأميريكي “Ramy “واللي جسد فيه شخصية الشاب المسلم “رامي حسان” اللي بتحكي قصة حياته.
“مينا مسعود” ممثل ومغنى كندي من أصل مصري، معروف بدوره الشهير وبطولة فيلم “علاء الدين” اللي اتعرض سنة 2019 وحقق نجاح كبير من خلاله.
مينا مسعود لعب دور طارق القصار في المسلسل التلفزيوني جاك رايان، وكمان عمل دور في مسلسل نيكيتا في الموسم الأول، وشارك بالأداء الصوتي في لعبة واتش دوغز، وهو من أشهر النجوم العالميين اللي لهم أصول مصرية.
