هل تعيش أنغام قصة حب جديدة؟ ومفاجأة بشأن ارتباطها بثري عربي

يبدو أن الفنانة انغام تعيش في قصة حب جديدة ، بعد علاقات ماضية لم تكلل بالنجاح، لكن من الواضح أن كلام الحب الذي تتحدث عنه في أغنياتها تحقق هذه المرة.

انغام مش على بعضها كدا بقالها فترة ، ظهورها مختلف و اغاني ليها طعم تاني كدا مؤخرا ، وبدأت تظهر يشكل اكبر من زمان وتتكلم وتهزر مع الناس على المسرح وفي الحفلات.

كمان بتغني بروقان ،طبعا هي من زمان كدا، لكن المرادي في حالة مختلفة ، الكام حفلة اللي عملتهم الفترة الاخيرة كان في تغيير كبير واضح عليها، من حيث الروقان والانبساط ، تحسها عايشة حالة حلوة من بتوع الحب دول ايوة كلنا عارفنها

بترقص على المسرح وبتغني بنشاط وحب ، وكلها حيوية وطاقة ايجابية ، وكمان طلتها مميزة وانيقة ،، ايوة شكلها وقعت في حب جديد مخلي حياتها وردي وبمبي، ماهو الحب اللي بيعمل الاجواء دي

من 3 سنين شوفنا انغام في نفس الحالة كدا وبعدها اكتشفنا علاقتها بالملحن احمد ابراهيم واد ايه حبوا بعض وعرفنا قصة جوازهم رغم انها مدامتش كتير الا ان كان في قصة حب وانغام متكسفتش وقالت ، والقصة دي تحديدا عملتها مشكلة كبيرة في حياتها بسبب ان احمد ابرهيم كان متجوز لكنه وقع في غرام انغام.

دلوقتي انغام عايشة نفس الاجواء وده بيأكد انها احتمال تكون دخلت قصة حب جديدة ، وفي شهر فبراير اللي فات عملتلنا اغنية كسرت الدنيا اسمها خليني شوية معاك ،، تاخد كدا لعالم تاني ، طالما روقت علينا باغنية حلوة زي دي في عيد الحب يبقى اكييييد طالعة من قلبها وعايشة الحالة.

هل انغام بتحب جديد ؟ ده السؤال اللي بيجري ورا النجمة من وقت انفصالها عن احمد ابراهيم من حوالي 3 سنين ، وكانت دايما بتتجاهل الكلام عن القصص دي وشايفة ان حياتها خاصة بيها ومحدش ليه دعوة هي تتجوز ولا تطلق.

لكن في مرة من حوالي سنة ونص علقت انغام على الموضوع ده في تصريحات اعلامية ، وقالت ان لو عندي حاجة عايزة اقولها هقولها لجمهوري ، ولو مش عايزة اقول مش هقول .. ووصفت التدخل في حياتها بالشكل ده انها حاجة مستفزة وبتضايقها

ومرة تانية في مداخلة تليفونية مع انغام في برنامج من قريب ، سألوها إذا كانت بتفكر تحب وتتجوز تاني ولا لا ؟ وكانت اجابتها صادمة
هي مرفضتش الفكرة لكنها مأكدتش برضه انها عايشة قصة حب، سابت الباب مفتوح وقالت : مقدرش اقول لأ الله اعلم .. مقدرش اقول مش هعمل كدا تاني واطلع كدابة بعد شوية .. جايز “.

وبكدا انغام سابت الباب مفتوح مرة تانية للحب والجواز ، ومجالهاش عقدة ولا حاجة من كل جوازتها اللي فشلت ، لكن الست اللي معيشانا دايما في حالة حب باغانيها طبيعي مش هتكره الحب وهتبقى نفسها تعيشه مع حد تاني مهما كبرت.

وبعد الحالة اللي شايفين فيها انغام دي واللي بتقول ان في حاجة حلوة مستخبية كدا هنعرفها قريب ، في تكهنات انها في علاقة مع ثري عربي او فنان مشهور بس محدش قدر يكتشف لحد دلوقتي سر العلاقة دي
السعادة اللي عايشها انغام والروقان ده مش من فراغ ، الستات كلها لما بتحب بيبان عليها ، وده اللي شوفناه على انغام وقت قصتها مع احمد ابراهيم وتوقعات الجمهور طلعت صح .. ياترى فعلا انغام هتفاجئنا قريب بجوازة جديدة ؟