ياسمين الخطيب تبحث عن عريس بمواصفات خاصة

تصريحات غريبة وعجيبة من الإعلامية ياسمين الخطيب والسبب منها أنها عايزة عريس يعرف يحتويها، هي قالت إنهاتزوجت ٤ مرات وولا مرة فيهم عرف شريكها يحتويها، ولذلك فهي تبحث عن عريس الآن.

إيه هى المواصفات الخاصة اللى عيزاها ياسمين الخطيب فى عريسها الجديد؟ طيب لو فيه راجل متجوز بس فيه الصفات اللى هي حباها تقبل بيه ولا لا؟ كل ده واكتر هنعرفه مع بعض في التقرير التالي:

كلنا طبعا عارفين الإعلامية ياسمين الخطيب، جمالها ورشاقتها لاتخفى على أحد يعني، بس للأسف نصيبها فى الجواز طلع يا عيني على القد، على الرغم من أنها قالت قبل كده أنها اتجوزت ٤ مرات بس ولا مرة فيهم كانت سعيدة ولقيت الصفات اللى بتحبها في الراجل.

وعشان كده ياسمين الخطيب دلوقتى بتدور على عريس جديد يكون فيه الصفات اللى هى بتحبها فى الراجل، واحنا في الفيديو ده ها نستعرض لكم أبرز الصفات التي تحبها ياسمين في الرجالة يمكن حد فيكم تكون فيه الصفات ولا حاجة محدش عارف يعنى.

من فترة كشفت ياسمين الخطيب عدد الرجالة اللى دخلوا حياتها بشكل رسمي ، وقالت: “اتجوزت 4 مرات ودي حاجات مش بتستخبى بس اللى مايعرفوش الناس إن أنا عمري ما قابلت راجل مخه كبير ويقدر يحتويني ويفهمني”.

بكده عرفنا أن ياسمين الخطيب هدفها الأول أن العريس الجديد اللى هيتقدم لها أنه يكون راجل مخه كبير ويقدر يحتويها، يعني مش عيل صغير دماغه لسه طائشة مش عارف يوزن الأمور كويس ويحتاج اللى يساعده فى قراراته.

بس على فكرة ياسمين الخطيب ماعندهاش أي مشكلة من أنها تساعد اللى هيكون جوزها وتديله فلوس، وقالت نصا: “هقف جنب جوزي لو محتاج فلوس وممكن أفضل معاه لحد ما أبيع كليتي وأضحي بفلوسي كلها ليه”، شايفين قد إيه هى أهدافها بريئة، بتدور بس على حد يحتويها وهي هاتتكفل بالباقي.

وعندها شرط مهم كمان وهو أنه اللى هيكون جوزها مستقبلا استحالة يخونها لو خانها هى مش هتسامح هتطلب الطلاق على طول، وأكدت على كده وقالت: “لو جوزي خاني وعاد معتذرًا مش هرجعله، ومش بسامح في الخيانة”، بس هى عادى لو فيه راجل متجوز حبها وهى شافت فيه الصفات الحلوة اللي هي عيزاها ممكن تتجوز منه بس بشرط أنه يكون مش سعيد في حياته، ويطلق مراته الأولى ويتجوزها هى على سنه الله ورسوله.

وللعلم هى مش هتطلب أى مؤخر صداق ولا مهر ولا أي مصاريف مادية من بتاعت اليومين دول، هى كل اللى عايزاه راجل، وزى ما قالت إن والدتها محطتش أي مطالب مادية في جوازتها قبل كده، وكمان والدها كان حاطط مبدأ أن الشخص اللي بنته مش مرتاحة معاه، ندفع له فلوس ونطلقها، فمبدأ المؤخر كان مرفوض، و مكنش في مؤخر خالص.

لحد هنا ونكون خلصنا كل الصفات والاشتراطات اللى طلباها الإعلامية ياسمين الخطيب من جوزها المستقبلى، وهى أنه يكون مخه كبير ويقدر يحتويها وحنين عليها ومش شرط الفلوس يعنى هى ممكن تساعده أصلا.

فهل حد فيكم عنده الصفات دي وينفع يتجوز ياسمين الخطيب، لو فيه حد يكتب في التعليقات ويوضح صفاته، وهي ممكن تشوف الكلام ده.