كتب كتابها كان بعدأيام..جهزت كل شئ! فستان أحلامها الذى تحلم به طول عمرها! حجزت القاعة وتفاصيلها..واقترب الفرح ولكن فجاة حدثت المفاجأة التي صدمتها وصدمت الجميع وأجلت كل شئ.
صحيت من النوم لاقيت مفيش بياض فى عنيها..وعنيها وارمة ومش قادرة تفتحها!وكل اللى شاغل بالها هعمل إيه يوم كتب الكتاب! العين جابتها الأرض .
مين إسراء أحمد اللى حصل لها كده؟ وإيه السبب فى الإصابة فى عنيها والإحمرار المفاجئ الشديد ده؟لدرجة إن الفرح يتأجل ؟هل السبب الحسد زى ما قالت؟ مش هتصدق كانت بتعمل إيه الفترة الأخيرة وإتقلب عليها فى الأخر ..نفسيتها إتدمرت!
أنا نمت صحيت لقيت عيني بالشكل ده كشفت والعلاج ولا جايب نتيجه ولا فاهمة ولا حد مشخص لي ده ايه ولا ده سببه ايه؟كل يوم بنام واصحى بتزيد اكتر..
الفرح اتاجل حاجات كثير باظت عندي غير طبعا النفسية لما ببص لنفسي في المراية ان انا كنت مفروض اكون عروسه فجاه بقى ده شكلي.
ده الكلام اللى نشرته البلوجر أسراء أحمد الساعات اللى فاتت بتشارك الناس اللى حصلها ،زى ما متعودة تشاركهم دايما الحلو شاركتهم اللى جرالها فى أيامها الأخيرة قبل فرحها!
إسراء قالت :انا واحده كان كاتب كتابه كمان كم يوم وكنت بحضر الفستاني والقاعه وتفاصيل كثير قوي كنت بنزل لكم فيديوهات سلسله العروسه تكون لما اعمل حاجه بوريكم انا بعمل ايه..كانت الامور ماشيه تمام اه كان في شويه مشاكل بسيطه وحاجات تضايق برده بسيطه لكن مش للدرجه دي.إوده اللى خلاها تقول إنه حسد فى الأول! عين وصابتها ورشقت فيها جابتها الأرض!
لما نشرت الكلام ده الناس كلها هاجمتها إنها السبب فى اللى حصل ،ومتلومش إلا نفسها ..وإن الناس عيونها وحشة ومبقاش حد يحب الخير لحد! خاصة إنها كانت بتطلع لهم دايما وتشاركهم حاجات الجهاز اللى بتجيبها أول بأول ..من باب إنها تفيدهم وتقدم له محتوى مناسب لكل عروسة محتاسة مش عارفة تعمل إيه ولا تجيب إيه ومنين!
إسراء محتواها بيقدمه بلوجرز كتير جدا على السوشيال ميديا ،وهى ولا أول ولا أخر حد هيقدم محتوى خاص بالبنات.. لكن إستغربت ردود الناس وهجومهم عليها بالشكل ده ..وفى نفس الوقت هى وصلت لحيطة سد بالنسبة للى حصلها ..فعل ياترى حسد فعلا؟ اللى قالته إسراء صادم.
إسراء ظهرت فى لايف الساعات اللى فاتت علشان تطمن الجمهور على عنيها..وتحكى وتفسر اللى حصل وتتكلم معاهم!
قالت إنا لما نشرت صور عينى مكانش هدفى أى حاجة تانية غير إن الناس تدعيلى!أنا لما كنت بنشر أى فيديوهات الفترة الأخيرة عن تجهيزات الجواز بقول للبنات أجهزوا زيي بنفس الطريقة مش أكتر ولا أقل!
انا مجبتش سيرة الحسد ولا قولت إنها عين حد من المتابعات ..إنا كنت بشهدكوا إن كنت بشارك معاكوا الفيديوهات وكنت بفرح معاكوا ..الكل قال إن حياتها على الملأ وصورها وفيدويوهاتها مالية السوشيال ميديا.
لكن هى ردت على الجزئية دى وقالت إنها بتنزل صور كل فين وفين..وكل الللى بتتكلم فيه ماسكات وسكين كير ومنتجات هى مجرباها!حتى صورها مع خطيبها مش بتنشرها خالص!
إسراء قالت إنها متهمتش حد بالحسد خالص زى ما إتقال!إنتوا فهمتوا كلامى غلط..دى مش أول مرة تتعرض لتعب كده ،ونشرت فيديو قبل كده وطلبت من الناس تدعيلها.
إسراء طمنت الناس إن عنيها هتخف ومفيش حاجة بتفضل على حالها..وبلاش جو الحسد والعين! لكن الجمهور إستغرب كلامها خاصة إنها نشرت بوست قبل إصابتها دى بتتكلم عن الحسد
وقد إيه الحسد بيأثر على الرزق والجواز ده غير التعب النفسي والجسدى ..فجأة نامت وصحيت لاقيت عنيها بالشكل ده!
خاصة إنها قالت ليه بقول كده دلوقتي عشان فعلا هو ده اللي انا بمر بيه حرفيا ادعولي..
فياترى ممكن يكون ده حسد فعلا؟ واللى حصلها بسبب ظهورها المستمر؟ ولا ممكن تكون إصابة عادية نتيجة توتر قبل الجواز وحصل كده فى عنيها؟ إنتوا رأيكوا إيه شاركونا فى التعليقات.
